迦米泰式小食 (已搬遷) 新店位置

去北角買完嘢，去買埋晚餐外賣返屋企，呢間同事食過大讚，話食物地度，去到門面簡陋，透明膠簾阻擋冷氣，入內座位好少，摺枱膠櫈好簡單，餐牌中英對照！店內嘅都係泰國口音嘅人，落咗單之後在店內等，即叫即做，所以要有耐心！開放式廚房，油煙避免不了！食物以微波食品盒盛裝，無漏汁企理乾淨！泰式炒金邊粉（$50）返到屋企已經凍咗（觀塘大塞車）叉鬆咗之後食，金邊粉煙韌，蕃茄醬香濃，酸酸地開胃，配料蝦比較少，芽菜爽脆，蛋香濃，豆腐乾絲有咬口！好味！（如果熱食仲好）泰式豬頸肉飯（$55）白飯鬆軟，燒豬頸肉薄切有咬口，有肉汁唔乾，啲醬幾得意，唔辣嘅麻醬！撈飯好好味！泰式青木瓜沙律（$45）微辣，木瓜絲幼細，索晒啲汁，好爽又酸甜惹味！好味！椰汁西米榚（$25）呢個比較失望，椰漿已結榚狀，西米好多，質感淋身，但整體好木！唔夠鮮香！一般食物幾好味！好地度，不過環境一般，外賣好過堂食！店員有笑容有禮！