Orange Elephant Thai Restaurant (和富) (已結業)

咖喱海鮮脆包盅用料非常豐富，外觀金碧輝煌，好華麗！包身酥脆，沾上香濃嘅咖喱海鮮汁，吸汁又惹味！椰青焗海鮮飯賣相令人驚艷，以椰青為容器，內部滿滿嘅海鮮和米飯，表面佈滿椰汁，椰青嘅清甜和海鮮鮮美，盡在米飯中，encore之選！泰式明爐烏頭魚（$1）係呀，冇睇錯，大大條烏頭魚都係一蚊，睇清楚日子嚟就啱晒！魚肉鮮嫩多汁又細膩，熱騰騰，個湯酸酸鹹鹹咁，好開胃。唔小心影得太慢添😅勁快已經得返條骨大家都好鍾意食。另外我哋仲order咗兩杯芒果飲品，芒果至尊特飲和芒果椰子西米慕絲特飲用新鮮芒果打成，入口濃稠而滑順，味道天然，好新鮮！