小火山 (已結業)

銅鑼灣收工之後喺鵝頸橋附近見到個招牌主打泰式燒肉火鍋，由於我同老婆之前去泰國非常喜歡依種菜式，所以就入去試吓。餐廳只要叫嗰燒肉拼盤就會送兩個湯底，由於老婆怕辣，我哋今次叫咗牛骨船麵湯底及香茅椰子雞湯，加咗$20仲有佢哋招牌豬肉拼盤，平時打邊爐都好少叫豬肉但見佢招牌主打所以試吓。豬肉拼盤包含了四種唔同產地唔同部位嘅豬肉，亦都包括左北海道，伊比利亞黑毛豬，豬頸肉同豬腩片，四款都十分喜歡，個人最推薦北海道豬，肉味香濃油脂感咁豐富。湯底亦都非常食得出有落心機煲而唔係平時冇乜味嘅湯底。另外我哋亦叫咗一款小食一款甜品，小食就試咗刺身杯包括生蠔，生蝦同三文魚，配上泰式醬汁非常新鮮惹味。另外甜品叫咗蝶豆花芒果糯米飯，由於我哋食得太飽呢個一口糯米飯非常適合我哋。飲品方面叫左一杯有酒精既18碌冰酒，其實係菠蘿沙冰Cocktail,老婆就叫咗火山青檸藍泡泡，非常清新，如果想試吓泰國燒肉打邊爐，記得黎試吓。