泰濃麵 (蘭芳道) (已結業)

天氣開始轉涼了，又係時候打邊爐啦。泰濃麵主打船麵。唔講唔知，原來重有得打邊爐！先揀湯底。揀咗芫荽清湯鍋。湯底除咗芫荽，重有白蘿蔔同秀珍菇。白蘿蔔好大嚿，清甜無渣。花雕雞份量都算多，雞肉十分嫩滑😍，勁入味，入口勁香酒香～🥰重有杞子，杞子好甜。魚皮餃皮唔會太厚，亦唔會過油。有肉都要有菜！嗌左雜菜拼盤。有多款雜菜：蕃茄、粟米、娃娃菜同生菜。紅色嘅蕃茄、黃色嘅粟米同娃娃菜加上綠色嘅生菜，各種蔬菜，五顏六色，賣相好靚。 娃娃菜夠新鮮夠嫩，好爽脆！日本稻庭烏冬麵質軟硬適中，口感煙韌，唔會一夾就散。食到咁上下好熱，想飲啲嘢。我嗌左椰青，朋友就嗌咗青檸梳打。椰青清甜，好解渴，飲完覺得無咁熱氣。重可以邊飲邊食椰子肉！🥳青檸梳打同其他餐廳唔同。呢度係梳打同青檸分開上。梳打啱啱新開，確保夠氣！👍🏻飲完好refreshing！