焰淑泰國餐廳 (已結業)

係時代廣場行完街就搵左呢間泰菜試下，因為係平日夜晚所以都唔係好多人。係店員推介下我地揀左$288串燒放題。前菜係生蝦刺身，醬汁係酸辣既仲有少少蒜，蝦肉好爽口同醬汁好夾。主菜選擇左安格斯牛扒，生熟程度適中，肉仲係粉粉地色，食落有啲咬口，唔使點醬都夠味。串燒方面覺得最好味既肉類係牛肉，雞肉同豬肉冇乜味同埋燒得乾左，反而海鮮相當唔錯，青口好好味，大隻又juicy，連蒜蓉食好香。蠔都幾好味，同蒜蓉好夾。前菜同主菜都好味，反而串燒質素普通，海鮮就有驚喜。如果下次黎會想試下其他餸。價錢方面覺得定價太高，難去吸引人揀呢個餐。