真心泰國菜館 (已結業)

尋晚一行四人盪到旺角找嘢食，見到砵蘭街近朗號坊附近有個好大嘅招牌，寫著真心泰國菜。於是貢上去試吓，就叫咗六樣嘢：1.泰式拼盤($80)-----蝦餅同雞翼都可以，魚餅同春卷唔好食。2.泰式火紅炒通菜($40)-----火紅都唔辣。3.紅㗎喱豬肉($60)-----紅極都唔辣，真係唔知嗰紅字有乜用呢？4.泰式燒雞半隻($70)-----肉霉。5.泰式煎蠔餅($70)-----炸粉太多，好似食炸粉團。6.泰式炒飯($48)-----無乜料，豉油炒飯加辣椒。四個人都話，唯一可讚就係泰藉女待應的熱情笑容同招呼。