水門雞飯 (蟾宮大廈)

營業中

休息中

環境4分：有梳化位，有窗枱位，有圓枱都唔迫，可以畀四分。衛生4分：地方光猛乾淨，而家仲有膠板隔開，手機落單，非常衛生。服務5分： 年輕人侍應生非常快手快腳，好有活力，上菜又夠爽手，滿分。味道5分：1)    水門雞飯轉雞脾肉加十蚊，揀咗多飯不用加錢，多飯份量應該有一點五倍，非常夠飽肚。Ｄ無骨雞啖啖肉，滑皮，肉嫩，油飯唔油膩但係有香味，超級好食。2)    雞骨湯胡椒味好濃郁，飲落有少少辣都算嘢味。3)    泰式豬頸肉好爽口，個辣汁好香。4)    泰式炒通菜非常嫩脆，Ｄ泰式馬拉盞有Ｄ辣，份量都唔少。抵食5分：沒有加一超大份量水門雞飯普通果隻都係五十幾蚊，加飯唔加錢，又有湯送，套餐型式最抵食，仲平過出面Ｄ快餐店。