影片
更多
2018-03-13
95 瀏覽
天氣凍凍地，梗係打邊爐啦！泰式湯底打邊爐真係未試過~ 泰邊爐九點就有宵夜時段 $178 任食，都好抵~九點喇，仲人山人海~湯底有4款選擇：招牌泰陰公、青咖喱雞湯、香噴噴椰雞湯、泰式甜番茄湯。款款都好泰式，各有特色。我地揀咗個鴛鴦鍋：招牌泰陰公 + 香噴噴椰雞湯，鴛鴦鍋只係 +$20，就可以試到兩款湯底。 點好湯底，再點其他野食。唔好以為刪咗個啲無，只係侍應好細心話俾我地知，刪咗個啲出面有得自己拎。好特別，湯底同材料係分開上。上: 泰陰公個湯料~ 侍應好細心話我地知，湯滾先好落，如果唔係隻蝦會唔彈牙，檸檬唔好放落去，唔係會苦。下: 椰雞湯個湯料~ 有椰子條同雞肉，同樣湯滾先好落。點餐紙上寫住先飲頭啖湯，湯滾梗係要試試湯底原味啦！先講泰陰公，個湯真係好正~ 湯底好濃郁，有好香嘅香茅味同南薑嘅辣，再加上檸檬汁，酸酸辣辣，正~再黎椰雞湯，其實個湯上枱時已聞到好香嘅椰香，同樣濃郁，應該已經用咗好多椰子去煲。飲落每啖都令口腔充滿椰香味。湯滾再落料~等湯滾嘅時候就出去拎野，出面除左有基本嘅丸類、餃類、菇類之外仲有沙律，熟食同甜品飲品都係任飲。調味料超多款，有好多都好特別，好似泰國菜脯，花生碎同紅蝦米
泰邊爐九點就有宵夜時段 $178 任食，都好抵~
九點喇，仲人山人海~
湯底有4款選擇：招牌泰陰公、青咖喱雞湯、香噴噴椰雞湯、泰式甜番茄湯。款款都好泰式，各有特色。
我地揀咗個鴛鴦鍋：招牌泰陰公 + 香噴噴椰雞湯，鴛鴦鍋只係 +$20，就可以試到兩款湯底。
點好湯底，再點其他野食。
唔好以為刪咗個啲無，只係侍應好細心話俾我地知，刪咗個啲出面有得自己拎。好特別，湯底同材料係分開上。
招牌泰陰公 + 香噴噴椰雞湯
8 瀏覽
0 讚好
0 留言
上: 泰陰公個湯料~ 侍應好細心話我地知，湯滾先好落，如果唔係隻蝦會唔彈牙，檸檬唔好放落去，唔係會苦。
下: 椰雞湯個湯料~ 有椰子條同雞肉，同樣湯滾先好落。
點餐紙上寫住先飲頭啖湯，湯滾梗係要試試湯底原味啦！
先講泰陰公，個湯真係好正~ 湯底好濃郁，有好香嘅香茅味同南薑嘅辣，再加上檸檬汁，酸酸辣辣，正~再黎椰雞湯，其實個湯上枱時已聞到好香嘅椰香，同樣濃郁，應該已經用咗好多椰子去煲。飲落每啖都令口腔充滿椰香味。
湯滾再落料~
等湯滾嘅時候就出去拎野，出面除左有基本嘅丸類、餃類、菇類之外
仲有沙律，熟食同甜品
飲品都係任飲。
飲品任飲
8 瀏覽
0 讚好
0 留言
調味料超多款，有好多都好特別，好似泰國菜脯，花生碎同紅蝦米……
調味料
5 瀏覽
0 讚好
0 留言
雖然飲品任飲，但見到有特飲好平，只係 $10仲要係自家調制，所以叫咗兩杯試下。
椰汁冰，荔枝冰
8 瀏覽
0 讚好
0 留言
荔枝冰 - 加入梳打水，淡淡的荔枝味，仲有2粒荔枝肉。
豚肉片，美國肥牛
豚肉薄薄地，所以淥一陣就食得~
美國肥牛都幾新鮮，唔錯。
豚肉片，美國肥牛
3 瀏覽
0 讚好
0 留言
美國肥牛
5 瀏覽
0 讚好
0 留言
牛肋粒，豬下青肉片
牛肋粒比肥牛牛味更濃，更有口感。
豬下青肉即係豬頸肉，個人鍾意用冬蔭公湯底淥，味道唔錯。
牛肋粒，豬下青肉片
7 瀏覽
0 讚好
0 留言
蝦，包仔豆腐，黑松露墨魚滑
蝦，包仔豆腐，黑松露墨魚滑
7 瀏覽
0 讚好
0 留言
墨魚滑爽口彈牙。
仲有傳統嘅火鍋配料:
生根、午餐肉、芝士腸、菇、丸
豆卜、生根、午餐肉、芝士腸、蟹枊、冬菇、秋葵
推介必點豆卜，因為豆卜吸晒冬蔭公湯嘅精華，滋味十足。
班蘭千層糕，玫瑰糕，紫米露
仲有我最愛嘅班蘭千層糕，淡淡班蘭香，煙煙韌韌。另一款整成玫瑰咁，底層係椰汁。
紫米露入面好多紫米，味道唔係太甜。
不得不讚，打到咁上下，呢度加嘅唔係水，唔係清湯，係加番原味嘅湯底。好正呀~
而且食物都幾新鮮，上菜速度都幾快。
張貼
