Little Old Town (已結業)

行完街街，又到搵嘢食嘅時候 。九龍灣有幾間泰國餐廳，今晚就食下呢一間 。一入去，已通知限時個半鐘 。時間尚早，有好多吉位， 被安排坐卡位位置，幾舒服，椅背高，自成一角適合傾計。今晚想食泰式沙律，因此就揀咗泰國餐廳 ，所以一定會點泰式木瓜沙律。 另外 ，揀咗幾款菜式:泰式木瓜沙律 略嫌 味道淡咗少少 ，如果酸味同甜味各增加多些少， 整體上味道更加完美。飛天通菜即係加咗泰式豆醬炒嘅通菜。 呢個少少辣，都幾惹味。泰式海南雞 例牌從價錢講就係有啲貴 ，不過質素唔錯 。雞肉夠 滑溜 ，肥瘦適中， 醬料嘅調配都好食。泰式臘肉炒粉絲 炒粉絲嘅火候適中， 泰式臘肉同中式嘅臘肉分別， 我唔係太識分， 不過應該有唔同。 加埋粉絲又啱啱好喎 ，唔會奇怪 ，呢個好味!呢度嘅食物都唔錯嘅，可以再來。