影片
更多
2024-10-24
382 瀏覽
日式同韓式燒肉就食得多，原來仲有泰式烤肉﹗今次帶阿Bu嚟到元朗呢間Pet Friendly泰式餐廳試吓泰式烤肉﹗餐廳Outdoor位置有大量座位可以比毛孩同主人一齊食飯，而且有大量風機提供，加上最近天氣都涼返啲，所以都幾舒服，想Chill啲仲可以選擇坐粉紅色嘅露營櫈添～泰烤肉二人套餐 $398套餐有牛肉、豬頸肉、雞肉片、凰尾蝦、蜆、青口、魷魚、盲鰽魚片、蟹棒、豬肉丸草菇、金菇、生菜、MAMA麵/金邊粉，我哋就揀咗金邊粉～仲有清雞湯、椰子雞湯、冬蔭功湯同船麵湯比你選擇，我哋就揀咗椰子雞湯，另外店員仲比多壺清雞湯我哋加湯用添，好細心呀﹗椰子雞湯有淡淡椰子味，加入豆乳，所以幾香滑，一碟海鮮同一碟烤肉，份量唔算好多，2個人唔特別肚餓都夠食，烤肉冇特別醃料，所以可以燒少少比阿Bu食，套餐都有一份特式醬料，都係泰國特式酸酸辣辣嘅調味醬汁，燒好烤肉沾上醬汁好開胃﹗跟餐可以＋38配一杯沙冰，我哋揀咗朱古力芒果涼粉沙冰，面層係朱古力味奶蓋，同芒果沙冰好夾，而且係新鮮芒果嘅味道，配埋彈牙嘅涼粉好好飲呀﹗
餐廳Outdoor位置有大量座位可以比毛孩同主人一齊食飯，而且有大量風機提供，加上最近天氣都涼返啲，所以都幾舒服，想Chill啲仲可以選擇坐粉紅色嘅露營櫈添～
泰烤肉二人套餐 $398
套餐有牛肉、豬頸肉、雞肉片、凰尾蝦、蜆、青口、魷魚、盲鰽魚片、蟹棒、豬肉丸草菇、金菇、生菜、MAMA麵/金邊粉，我哋就揀咗金邊粉～
仲有清雞湯、椰子雞湯、冬蔭功湯同船麵湯比你選擇，我哋就揀咗椰子雞湯，另外店員仲比多壺清雞湯我哋加湯用添，好細心呀﹗
椰子雞湯有淡淡椰子味，加入豆乳，所以幾香滑，一碟海鮮同一碟烤肉，份量唔算好多，2個人唔特別肚餓都夠食，烤肉冇特別醃料，所以可以燒少少比阿Bu食，套餐都有一份特式醬料，都係泰國特式酸酸辣辣嘅調味醬汁，燒好烤肉沾上醬汁好開胃﹗
跟餐可以＋38配一杯沙冰，我哋揀咗朱古力芒果涼粉沙冰，面層係朱古力味奶蓋，同芒果沙冰好夾，而且係新鮮芒果嘅味道，配埋彈牙嘅涼粉好好飲呀﹗
張貼
