影片
更多
2014-03-01
60 瀏覽
新年前後，絕對係同朋友高高興興分享美食的時候~身處於美食天堂，你想食咩菜式都可以o係香港搵得到﹗新年前我就同朋友去左Greyhound Cafe IFC店食團年晚餐~來自泰國的Greyhound原本係當地一個fashion brand後來發展出Greyhound Cafe將時裝的玩味注入美食之中帶來創意十足的泰式美食香港係品牌第一個海外分支點門外的牆畫似乎帶出了品牌的格言："Life is a journey, full of pictures, places, stories, and good tasting recipes"我都認為人生真係不能沒有美食啊~~~由fashion brand演變出來的Greyhound Cafe以黑、白基礎色調為主環境佈局帶點時尚、悠閒感覺就連menu都冇咁死板~另外，每次經過此店無論幾點都總有人龍等位﹗所以預先訂位比較好啊~第一次到訪，大家決定叫齊呢度的signature dish!前菜包括：軟殼蟹沙律配蜜糖芥末醬、招牌脆炸單骨雞翼、意大利肉腸芝士餡餅、脆炸粟米蟹肉餅配甜酸醬【軟殼蟹沙律配蜜糖芥末醬】$128脆度適中，只用了少量炸粉~略嫌蜜糖芥末醬
身處於美食天堂，你想食咩菜式都可以o係香港搵得到﹗
新年前我就同朋友去左Greyhound Cafe IFC店食團年晚餐~
來自泰國的Greyhound原本係當地一個fashion brand
後來發展出Greyhound Cafe
將時裝的玩味注入美食之中
帶來創意十足的泰式美食
香港係品牌第一個海外分支點
門外的牆畫似乎帶出了品牌的格言：
"Life is a journey, full of pictures, places, stories, and good tasting recipes"
我都認為人生真係不能沒有美食啊~~~
由fashion brand演變出來的Greyhound Cafe以黑、白基礎色調為主環境佈局帶點時尚、悠閒感覺
就連menu都冇咁死板~
另外，每次經過此店
無論幾點都總有人龍等位﹗
所以預先訂位比較好啊~
第一次到訪，大家決定叫齊呢度的signature dish!
前菜包括：
軟殼蟹沙律配蜜糖芥末醬、招牌脆炸單骨雞翼、意大利肉腸芝士餡餅、脆炸粟米蟹肉餅配甜酸醬
【軟殼蟹沙律配蜜糖芥末醬】$128
脆度適中，只用了少量炸粉~
略嫌蜜糖芥末醬太濃味，蓋過蟹味了
軟殼蟹size算大的，不過4個人分就只能分得一口~
老實講，價錢都幾貴啊~
【招牌脆炸單骨雞翼】$68
雞翼大人細路都愛吃，幾乎點整都好好味~
外皮炸得剛好，唔會過多油或過咸
脆脆的好香口，入面D肉仍然好嫩﹗
呢碟其實好想encore~~~
【意大利肉腸芝士餡餅】$108
作為一個前菜，呢個餡餅好大份~~
2片脆脆地的薄餅夾著厚厚的肉腸及芝士內餡
實在扮唔到淑女，要落手好似食漢堡包咁食~~
肉腸切得很細小，餡料食落有D似肉醬意粉
如果個芝士再濃味D就更好﹗
奉勸各位唔好咁搏命食呢個，會影響戰鬥力呀~
【脆炸粟米蟹肉餅配甜酸醬】$88真心推介呢個熱辣辣的蟹肉餅﹗﹗
炸粉夠薄身且脆口，入面一絲絲的蟹肉都唔少架﹗
同粟米的味道好夾
而且唔係勁落粟米慳蟹肉啊~
點埋甜酸醬就更醒胃~
主菜包括：泰式鹹魚乾辣椒意大利麵、泰式河蝦冬蔭公湯河粉、香草辣椒炒雞肉碎配白飯、鮮蝦炒金邊粉
【泰式鹹魚乾辣椒意大利麵】$108
呢個意粉竟然落左鹹魚乾﹗
一上碟已經鹹香四溢啦~~~
唔望住佢食的話，好似食緊鹹魚肉餅咁﹗
感覺好神奇~
估唔到咁樣整意粉又幾好味﹗
每一口都有好細小的鹹魚乾碎~
又一個想encore的食物
【泰式河蝦冬蔭公湯河粉】本身我唔飲冬蔭公，因為唔多鍾意果種帶香料味的酸辣
試左一小口，又唔係想像中咁大陣味同辣，可接受~
河粉十分闊且不規則，厚度剛剛好
原本以為河蝦係細細隻的，估唔到咁大隻﹗
仲好新鮮，一D都唔霉~
【香草辣椒炒雞肉碎配白飯】
呢個係我話要點的~
自從去蘇梅食過一個非常惹味的香葉肉碎飯後
去親食泰菜我都要點一個試試~
可惜暫時都未能食返果個味道，好多都過辣呢﹗
Greyhound Cafe呢個有少少唔同嘅係用上雞肉，一般都用豬的
雖然都係冇蘇梅果個咁好食
但辣度不算太過份，仍然食到雞肉的味道
食到差不多到底先發現有D汁，但我個人就比較喜歡乾身D~
怕太辣的朋友就唔好一開始就勁撈D肉碎
或可以先將蛋整穿，將蛋黃同飯及肉碎拌勻
【鮮蝦炒金邊粉】$108
主菜尾聲，其實我已經飽了~
所以只係試左一小口呢個金邊粉
味道咸中帶甜，撈埋花生粒、芽菜口感十分豐富﹗
嚟到呢度，發現呢度用油量並不多~
感覺上健康D~
甜品時間來了~芒果芭菲、鮮製蘋果金寶、新鮮椰子千層蛋糕、香蕉榛子芝士蛋糕
【芒果芭菲】
一般芭菲，不外乎一球基礎味道雪糕
底下加蛋糕粒、椰果、丸子、粟米片等細細粒的零食
芒果芭菲絕對有驚喜﹗
撈底唔單止有芒果粒，竟然仲有糯米﹗
頂上是一球清新的椰子味雪芭~
呢個應該係芒果糯米飯的變奏吧~
【鮮製蘋果金寶】鮮製可以有幾鮮~？
就係熱辣辣又脆卜卜啦﹗
一向好怕食apple crumble
因為食過太多好粉、好lum、好冇味道又凍冰冰的版本﹗
如果你有相同遭遇，一定要來試一試~~
不但crumble夠熱夠脆，仲帶點點甜味
埋藏crumble之下的蘋果粒亦好大粒~
沾一點另外附上的吉士汁一齊食就更完美~
【新鮮椰子千層蛋糕】
見到「千層蛋糕」，以為係果D煙韌的糕點
原來真係蛋糕來的~~
每一層都夾著大片大片的鮮椰子﹗
不過忌廉有D滯及甜，都幾漏下~
【香蕉榛子芝士蛋糕】
芝士蛋糕上面果層榛子朱古力好香~
朱古力夾香蕉是錯不了的組合
朱古力甜度適中
可能之前D甜品太有驚喜
顯得呢個芝士蛋糕平凡左少少~
飲品方面放棄左我最愛的咖啡點左藍蘭豆甜菊茶~
只因為個名得意~~
除了一壺茶仲有蜜糖~
倒出來的茶藍藍的好美~~
香氣有D似真係煲出來果D菊花茶
加入蜜糖攪拌後就變成紫色了﹗
味道清幽中帶淡淡的草本味
效果跟花茶一樣，可以令人放輕鬆~
仲可以添水入茶壺呢~
完滿的一餐食物有驚喜又美味
店員的服務亦不錯﹗
店內全滿店外又有長龍的情況下
店員仍然可以細心地留意到客人需要及快速提供協助
我地先可以食得咁開心呢~~~
張貼
