船皇 (大埔超級城) (已結業)

我都幾鍾意食泰式粉面，而家冇得去旅行，好懷念泰國嘅粉面。呢度嘅船麵都幾多選擇，除咗湯麵，仲有撈麵。揀左招牌船皇配蛋麵小辣。呢個船皇麵咩都，有牛肉、牛腩片、牛丸丸、豬肉丸、豬肉、雞絲、雞翼。湯底都幾香，有泰式風味，面上仲有炸豬皮！另外叫咗個泰式豬肉丸、豬肉、豬膶湯麵，揀咗金邊粉。我幾鍾意食金邊粉，個味都吸晒啲湯好食！泰式炸蝦卷賣相唔錯，有啲似平時酒樓叫嗰啲。鹽燒牛舌叫咗三串，燒得幾香，牛舌幾好味！當然唔少得要泰式奶茶，唔會太甜！甜品叫咗芒果糯米飯，呢個比想像中份量大，勁多糯米飯，芒果酸酸甜甜！