Milu Thai มิลู่ไทย (百樂中心)

營業中

休息中

今日打算去行年宵，行之前當然要醫下肚。我哋就揀咗百樂中心呢間 Milu Thai，環境幾舒適，仲好適合一家大細一齊嚟享用。🥳我哋叫咗黃咖喱炒蜆，蜆肉鮮甜彈牙而且大隻，咖喱味濃郁，加上香料調味，真係香氣四溢。配埋香煎薄餅同蒜蓉包一流，薄餅煎得金黃酥脆，咬落去鬆軟有口感，絕對開胃；蒜蓉包蒜香濃郁，外脆內軟，咬一口即刻滿足。🍛🍕🧄泰式滷水豬手味道濃郁，肉質軟腍，肥瘦適中。滷水嘅香味入晒去肉裡面，每一口都充滿咸香味，同時好多骨膠原，真係好正！啱晒啲鐘意食豬手嘅朋友。🐷泰式海鮮炒粉絲入面有蝦、魷魚等海鮮，加上香料同蔬菜，炒得香口夠味。🍤蟹肉煎蛋煎得香口嫩滑，裡面有豐富蟹肉，每一口都充滿鮮味。🦀泰式串燒（混合）包括豬肉、牛肉同雞肉，每款都燒得啱啱好，配埋沙嗲醬汁，香甜可口。🍢飲品方面，乳酸梳打清爽解渴，有一陣清新的酸味，飲落去好舒服。珍多冰椰漿香濃，加上珍多等配料，係一個完美嘅飲品。🥤總括而言，Milu Thai 嘅食物款式多，每樣菜都有特色。下次一定要試下佢哋嘅其他菜式。🎉