The Platter (悦品度假酒店‧屯門)

營業中

休息中

爸爸生日，知道佢鍾意食泰國野，適逢屯門悅品酒店做緊泰國主題自助餐，一於帶爸爸黎食餐好嘅。餐廳裝潢以火車為主題，很幸運地被安排坐「火車卡座」，感覺真係好似坐緊火車咁。食自助餐當然第一時間去睇下有咩食，冷盤有沙律、各種火腿及芝士，沙律菜好新鮮，作為開胃菜一流。雖然係泰國主題，但一樣有魚生及海鮮食，魚生有三文魚、吞拿魚、八爪魚、墨魚及鯛魚，每樣都好新鮮肥美；而海鮮有青口、蝦、麵包蟹等等，都幾多選擇。食完冷盤梗係要試埋佢地嘅熟食，主推泰式串燒，配埋沙嗲醬更惹味；而黃咖哩雞及泰式檸檬魚柳亦好有泰國風味。食泰國野又點少得冬蔭功？一打開蓋已經見到好多蝦，傳黎陣陣香茅味，味道酸酸辣辣好過癮。飲品有橙汁、冰茶、菊花茶、蔗汁等等，連啤酒都有，啱晒喜歡小酌嘅爸爸。最後當然係甜品時間，有各款糕點，仲有好多唔同味道嘅雪糕，為我地嘅午餐畫上完美句號。