船皇 (謝斐道) (已結業)

Weedend下午唔駛等太耐，今日叫左個午市套餐 ($78)，包一碗船河，一個小食同一杯飲品。個船河我揀左牛肉丸+牛腩+牛肉片嘅湯麵。個牛骨湯底湯底真係好正，好似仲有少少藥膳味，好濃郁，再加d魚露令到味道更有層次。我幾鍾意佢加左炸豬皮，可以索少少湯咁食，而且個牛腩都超淋超入味，不過個牛丸同牛肉就無咩特別。小食我揀左單骨泰妹雞翼(4件)，味道唔算突出，要靠點d甜酸醬先有返泰式風味。呢度船河的確係唔錯，不過衛生略嫌需要改善，因為我一路食都一路有幾隻係蚊/烏蠅飛過。另外就係我覺得呢度排隊入座指示唔係幾清晰，個店員d語氣又差差地，搞到成個用膳過程唔太愉快。