Vici Stage

營業中

休息中

荃灣多商場行多嘢玩 活動完後想搵個地方chill下 就發現咗呢間隱世酒吧🤩 第一感覺就覺得餐廳好有情調 裝修得令人好舒服 氣氛幾好 係飲酒食嘢嘅好地方🤪首先叫咗兩款野飲 佢嘅酒精飲品好多都好有特色😋個人認為最特別係呢款dancing grape 佢係巨峰提子味重既gin 再配啲橙皮 成件事好易入口 加上外型好得意 係中式茶壺 打卡一流😜第二款係hakuna matata 呢杯係雜果味較重既rum 感覺清新好清爽 好消暑解渴🥳到野食方面 首先叫左香煎帶子大蝦泰式田園沙律🥗 新鮮既羽衣甘藍配醋 加上大大粒既帶子同蝦 都幾足料 酸酸甜甜胃口即刻大開 適合悶熱既天氣🤪 賣相都幾靚 花生碎做點綴 配合沙律一齊食都夾👍🏻之後叫左水牛芝士簿餅😍😍 即叫即焗令水牛芝士變得勁香同勁鬆軟 拉絲效果拉到半個身咁高🤣 不過真係要趁熱食 味道香濃餅底又鬆脆 絕對係招牌菜嘅質素 好香好滿足 大推👍🏻😋最後再試埋佢嘅冬陰功海鮮意粉 海鮮都算足料 有大量魷魚同蜆肉 但意粉醬汁偏向蕃茄醬多😗欠缺辣味 如果有冬陰功味道的話會更加完美😜總括嚟講 係一間食物同嘢飲都兼顧得好好嘅酒吧 環境舒適 職員服務又好 可能位置有少少偏遠