茴香 (已結業)

今次去咗尖沙咀食半自助，餐廳主打泰式x 西式fushion 路線，室內環境簡約舒適，仲設有露台座位，一邊食野、一邊欣賞風景也是人生一大樂事。半自助餐分為三/四/五道菜，價錢由$368起，包括任食沙律吧、前菜、主菜、湯、甜品。我地揀咗四道菜，首先就出去沙律吧拎沙律開開味蕾先，點知發現沙律吧竟然有加拿大雪場蟹腳，真係好驚喜。除咗蟹腳仲有唔同種類嘅芝士、燈籠、茴香雞肉沙律、藜麥番薯沙律、生果、三文魚脆脆等等。是日餐湯今日係南瓜忌廉湯，南瓜湯味道濃郁，仲有南瓜蓉，十分足料。前菜泰式小食拼盤泰式小食拼盤有燒豬頸肉、墨魚餅、雞翼、蝦片、春卷等，並附上兩款醬汁。炸物火喉控制得好好，尤其是豬頸肉，入口軟滑，香茅味濃郁，墨魚餅初初以為係薯餅，咬落有粒粒墨魚，足料又好食。椰香紅咖喱軟殼蟹配烤餅軟殼蟹都幾大隻，紅咖喱香味十足，帶淡淡椰香，味道辣辣地，蘸薄餅吃更滋味。主菜香煎鵝肝黑松露雞卷雞皮煎至微脆，雞肉入口軟腍，裡面捲住鵝肝同黑松露，令味道層次更豐富。香煎美國頂級牛板腱牛板腱煎至五成熟，肉質嫩滑多汁，牛肉味濃厚，脂肪較少，配菜有薯仔同蘆筍。