Woodsage

營業中

休息中

聽聞朗屏呢間泰式fusion菜幾出名，一於約埋嗰朋友一齊去試下。小店裝修簡潔，環境都算闊落。🔎軟殼蟹意大利麵($88)意粉份量岩岩好，而意粉嗰蕃茄醬食落似係用新鮮蕃茄整，唔係用茄膏。軟殼蟹炸得好脆，外脆內軟。🔎 咖喱蝦配炸饅頭($88)饅頭炸得好脆，咖喱味道濃郁，配上炸饅頭一種幾特別既食法。🔎朱古力撻($58)有濃郁朱古力味，但佢唔會有朱古力既苦味，不過都唔會過甜。個人覺得如果有少少朱古力苦味可能會更好味。🔎泰式奶茶拿破崙($62)拿破崙好脆，好彩唔會太甜。但略嫌無咩泰式奶茶味。份量比想像中少。如果份量再多啲就好啦。