東羅 泰館 (已結業)

觀塘裕民坊折左重建之後，環境耳目一新，新樓新商場，今日同老公過嚟行下，商場內有很多食肆，我哋去咗東羅 泰館 ，餐廳位於裕民坊YM2的平台花園，店門前擺放藤椅，好有異國風情感覺。芭提雅炭烤脆燒雞半隻：燒雞即叫即燒，色澤金黃的外皮好香脆，肉質鮮嫩入味，重食到香噴噴嘅炭烤味，點些特製泰式醬汁超惹味！配些蔬菜沙律好清新。泰式炭烤雞髀船麵：大大隻脾經過炭火烤，食落特別有炭香味，豬皮爽口，麵條掛湯夾埋芽菜食，爽口又惹味。泰式生蝦刺身配酸辣青汁六隻：生蝦大大隻啖啖肉仲爽口彈牙，每隻大蝦加上特製酸辣青醬汁，味道酸酸辣辣，簡直停唔到口。脆炸豆腐配泰式魚露：豆腐炸得外脆內軟，口感酥脆，點些泰式魚露可以提升味道。冬陰功雞扒漢堡配薯條：加入咗秘製冬蔭醬去燒出惹味嫩滑雞扒，夾埋爽口生菜、紫洋蔥、蕃茄同鬆軟漢堡包，連埋沙律醬汁食，每一啖都有不同口感，滋味無窮。配合一大份新鮮又爽口嘅沙律菜，食得健康又好味！薯條亦好香脆。