旦王花 - 泰越鍾情

營業中

休息中

週末出街食飯最頭痕就係泊車問題，飯鐘時間真係一車位難求。嚟呢到食飯正在有代客泊車，放低車匙就搞掂好方便。泰式珍寶拼盤 有沙嗲串燒、炸蝦餅、炸春卷、滋味雞卷、脆炸蝦片～好大堆頭，差個荷葉包雞就齊哂所有泰式經典小食，樣樣都好惹味～好在只係叫左半隻海南雞，賣相雖然幾靚，但隻雞涷冰冰之餘，咩味都無。黃咖哩豬除左豬肉，仲有配菜茄子薯仔，薄餅蘸嚟食一絕！！！呢度d咖哩好有水準，好食到清盤，要追加多個咖哩。紅咖哩雞，雞滑就一定架啦，呢款配菜有好多四季豆菇菌，仲豐富過黃咖哩添！一樣係清哂盤，咖哩係呢度真係必食之選！