泰巷 (MOSTown新港城中心) (已結業)

今日下午見到新開左一間泰國餐廳，所以就走左入去幫襯下喇，餐廳環境都幾寬敞，坐得幾舒服。叫左泰皇滷水雞脾配特色沙律、薯角加火腿絲番茄濃湯通粉同椰青。個餐賣相幾好唔錯，不過雞脾大隻返少少就更好喇 😆 😆 火腿絲番茄濃湯通粉個湯真係好濃味同幾大碗，坻讚。不過隻雞脾就普通左啲無咩特別，只係味道偏鹹嘅滷水雞脾，開頭睇個名以為味道會好特別，而薯角就韌左少少。