Samsen 泰館

營業中

休息中

香辣泰式炒闊河粉（和牛）睇落去平平無奇，但係係食得最快同埋最乾淨既一個菜，特別係和牛好嫩口，而佢嘅闊河粉炒得惹味，就連佢嘅配菜都好味，佢有個特別嘅醃青辣椒，酸酸地又唔會太辣，好特別。青木瓜沙律青木瓜沙律喺份量喺味道都算係正正常常，清爽可口。沙爹雞串燒幾串沙嗲味入汁，而佢配搭嘅醬汁太甜，唔使點汁都已經好好食。招牌泰式蟹肉炒飯炒得粒粒分明嘅蛋炒飯中，加咗好多蟹肉粒，一啖落去，飯香同蟹香直衝味蕾，一啖又一啖，我可以食兩碗。泰式虎蝦炒金邊粉虎蝦都比較大隻同埋新鮮，我都好期待金邊粉，但係佢呢個金邊粉感覺上就比較冇特色，冇咁入味。🥥泰式椰皇飛餅煎得酥脆焦黃嘅飛餅外皮，一啖咬落去飛餅中好多椰絲好香脆，仲有腰果同埋煉奶嘅加入，係幸福嘅味道。🥥泰式街頭椰子雪糕由我見到呢間舖開始，我哋好想試吓佢呢一隻招牌椰子雪糕，份量細細個，但係入面啲餡一啲都唔少，除咗有大量嘅椰子肉，而佢雪糕都係有滿滿嘅椰絲，再配上花生同埋粟米，成個感覺超正超好味。