ReDivine (CAPRI Place) (已結業)

將軍澳南越開越多特色食肆，放工或者放假嚟chill下，食住飯望下個海再望下啲人踩單車都幾寫意🥳🥳呢日就嚟到ReDivine呢間主打特色泰國菜嘅餐廳，分室內同室外座位，兩邊都有打卡位，呢日我就坐係室內嘅搖搖椅到，又幾有泰國度假feel🍃呢日食嘅鹹點全部都係辣，但係每道菜式嘅辣味同調味都唔同🌶可以試勻唔同層次😛ReDivine廚師發辦炒蜆超級大盤嘅炒蜆，食極都食唔晒咁🤣🤣蜆肉幾鮮甜。有唔少泰式香料，辣辣地偏重酒香，忍唔住一隻接一隻😋😋泰式香辣凍鮑魚凍食嘅鮑魚比較少試，呢個鮑魚好新鮮彈牙👍🏻醬汁辣度唔高，酸酸辣辣幾醒胃😗西班牙豬肋骨，小火山成座🌋咁嘅豬肋骨望落好吸引😍每條豬肋骨都係份量十足，好多肉，唔會得棚骨。豬肉炆得好腍，面頭鋪滿泰國芫茜、辣椒同青檸汁混合而成嘅醬料，一絲絲咁，撈埋豬肋骨食，味道好香又好刺激🤪🤪炒飛天雜菜呢味菜都係辣嘅，辣味相對鹹香惹味啲，都好食😚綠西米班蘭蛋糕，柚子雪糕食咗咁多辣🥵嘅菜式最後都食番個甜品平衡下，西米加斑斕蛋糕好有泰式感覺，清清地唔太甜，加上酸酸甜甜嘅柚子雪糕同面頭脆脆食唔錯😗😗係側邊嘅芒果酸咗啲啲。人均消費：$350推介指數（10分為滿分）：8分