水門雞飯 (豉油街)

營業中

休息中

個個話去泰國一定都要食水門雞飯，但係香港都有水門雞飯食啦。 最喜歡泰國菜酸酸地開胃嘅味道，係咁熱嘅日子都可以繼續食落去。泰北青冬陰魚片湯粉曾經喺泰國一間餐廳食過冬蔭石斑覺得非常深刻，當見到menu有泰北青冬陰魚片湯粉嘅時候就忍唔住要試下，我就揀左河粉。湯底多酸帶少少微辣，比起泰國食到嘅少咗份刺激，但都足夠令我回想起泰國嘅味道。魚片數量都唔少，又大大舊。另外湯入面仲有啲草菇蜆同檸檬，整體味道酸嘅比例較多，配上魚片係香港黎講算幾特別。秘汁泰式生蝦有六隻生蝦，都幾大隻，新鮮彈牙，個醬汁都好開胃。泰式炆雞腳 另外單點左份雞腳，份量真係多到估唔到，好彩算煮得幾淋，岩哂鍾意吮雞腳嘅人。見到跟餐同單點都係加十幾蚊就有，份量夠多，岩哂一齊share。香茅特飲食泰國野必須清新解渴嘅飲品，酸酸地又帶啲香茅味，清新消暑。