影片
更多
2023-10-15
23 瀏覽
小火山係一間食mookata 泰豬鍋嘅餐廳，一個爐可以同時打邊爐同烤肉，一餐飯滿足兩種人嘅要求， 好岩一大班fd黎食。一坐底就有好大一盤嘅蝦片，仲可以任食，有時夜晚仲有live band，可以食住蝦片enjoy music。小火山三味刺身一口杯盛合有生蝦生蠔同三文魚三種刺身，刺身味道幾鮮，加上泰式嘅醬汁，酸酸辣辣的，而且每份都用杯裝住，食落好方便。湯底 （牛骨船湯&香茅椰汁雞湯）泰豬鍋仲可以一次過揀兩款湯底。牛骨船湯就好似係平時食船麵嘅湯底一樣咁深色，感覺到係經過好長時間嘅熬製，非常足料。奶白色嘅係香茅椰汁雞湯，飲落有淡淡嘅椰香，仲有青檸嘅酸。 我就鍾意放金邊粉放落椰汁雞湯到煮，酸酸地好開胃。小火山經典泰豬鍋拼盤泰豬鍋拼盤非常豐富，上枱時仲伴隨乾冰，有花心思。拼盤有北海道同波蘭嘅豬肉，仲有伊比利亞黑毛豬同泰式豬頸肉，肉嘅色澤幾靚，肉質唔會好乾好柴，食落都好有肉味。店員教我地可以先放豬肉片落湯底到淥一淥，再放上去燒，咁豬肉片味道就更豐富。泰式豬梅花肉片豬肉片用生雞蛋撈勻，建議放落湯到煮熟，肉質會更滑嫩。蔬菜另外仲叫左通菜同粟米，粟米好甜，通菜加落湯到煮，即刻泰式風味大增。蝶豆花芒果糯米飯
小火山三味刺身一口杯盛合
有生蝦生蠔同三文魚三種刺身，刺身味道幾鮮，加上泰式嘅醬汁，酸酸辣辣的，而且每份都用杯裝住，食落好方便。
湯底 （牛骨船湯&香茅椰汁雞湯）
泰豬鍋仲可以一次過揀兩款湯底。牛骨船湯就好似係平時食船麵嘅湯底一樣咁深色，感覺到係經過好長時間嘅熬製，非常足料。奶白色嘅係香茅椰汁雞湯，飲落有淡淡嘅椰香，仲有青檸嘅酸。 我就鍾意放金邊粉放落椰汁雞湯到煮，酸酸地好開胃。
小火山經典泰豬鍋拼盤
泰豬鍋拼盤非常豐富，上枱時仲伴隨乾冰，有花心思。拼盤有北海道同波蘭嘅豬肉，仲有伊比利亞黑毛豬同泰式豬頸肉，肉嘅色澤幾靚，肉質唔會好乾好柴，食落都好有肉味。店員教我地可以先放豬肉片落湯底到淥一淥，再放上去燒，咁豬肉片味道就更豐富。
泰式豬梅花肉片
豬肉片用生雞蛋撈勻，建議放落湯到煮熟，肉質會更滑嫩。
蔬菜
另外仲叫左通菜同粟米，粟米好甜，通菜加落湯到煮，即刻泰式風味大增。
蝶豆花芒果糯米飯
食到飽飽仲有有芒果糯米飯，細細件但糯米飯仲暖暖的，唔會好太heavy。
飲品
芝上奶蓋泰式奶茶唔會好似係泰國飲嘅超級甜，甜度剛好，加鹹鹹嘅芝士奶蓋，不錯呢。火山青檸藍泡泡顏色好靚，酸酸嘅青檸味，飲完好清爽。
張貼
