泰妹餐廳 (已結業)

今日到黃埔附近返學，放學同先生去Aeon買嘢，之後去左時尚坊嘅泰妹食晚飯，店子裝修清雅，店員禮貌地安排入座，由於時間尚早，安排了卡位，闊落舒適。大大張餐牌點菜一目瞭然。叫了海南鷄飯和泰式豬肶飯，海南鷄幾有鷄味，都有好多件，味道唔錯，黃飯幾有味和軟滑。豬肶炆得好腍滑，漿汁好美味，完全滲入豬肶，好啱送飯。去骨鳳爪沙律都好大碟，鳳爪爽脆，酸甜不太辣，夠晒開胃，加埋串燒鷄翼，牛肉，豬肉和鷄肉串，各款串燒都香脆可口，配合芒果沙冰和番石榴沙冰，確實係一頓豐富又滋味嘅晚餐。