新泰東南亞餐廳 (已結業)

今晚同老公二人世界撐枱腳，難得拍拖 就搵間浪漫有情調嘅餐廳，嚟咗W Square 嘅新泰食泰國菜。餐廳裝修 浪漫有情調，燈光柔和，樓上舖地方寬敞，設有帳幕座坐得舒服又有私隱。食物泰國菜為主，亦有多款特色東南亞菜式。冬陰功雞煲冬陰功源用傳統火鍋爐，霸氣十足，賣相吸引。雞隻採用少脂肪嫩雞斬件放湯，肉質鮮甜嫩滑爽口。冬陰功湯 酸酸甜甜十分醒胃，剛巧天氣轉凍，飲完成個人暖笠笠！串燒沙嗲合共六 串燒 有雞牛豬 可以自由選擇 點了 雞和牛， 燒烤 焦香撲鼻 肉質鮮嫩 無骨啖啖肉大快朵頤 靈魂是那沙爹醬汁 辣裏帶甜，食到還有碎碎的花生醬粒，稠口惹味伴飯一流！飛天通菜飛天通菜 源自泰國地道大排檔，廚師把通菜拋上天空，侍應就在另一端接住上碟。材料用上豆豉、泰國指天椒大火炒香，鑊氣十足香氣四溢，通菜新鮮清甜翠綠，鹹辣適中惹味，令人愈食愈想食！芒果沙冰新鮮芒果 混合冰塊 打成冰沙 冰凍觸動腦神經 芒果鮮甜軟滑帶微果酸，減膩生津解渴。