泰國人海南雞 (杏花新城)

營業中

休息中

呢間聽就聽得多，食就第一次，不過係好食嘅佢有個二人四人餐，又有二三四餸餐，不過建議叫二人四人餐，因為款式多啲，價錢貴少少，一定食到飽。先有豬頸肉沙律，非常夠味，中辣，唔食辣嘅要小心！跟住有個侍應推薦嘅冬陰公湯，有蝦，草菇等，足料，中辣。再黎炸春卷同蝦餅，春卷餡料全素，健康，蝦餅彈牙又有蝦味，唔會淋同粉。主食有海南雞同埋咖哩牛腩，海南雞剛熟，非常嫩滑，咖啡牛腩有黃紅青揀，不過我感覺佢溝淡左個咖喱去就返香港人口味，香料味不足。甜品有西米糕同千層椰汁糕，味道同平時食開嘅一樣，好食嘅，不過份量好少，有啲吝嗇。。。。