泰瀾鑊 (朗壹廣場)

營業中

休息中

呢間餐廳一行過就吸引眼球，好大架篤篤車放佐係門口，室外室內都有好多座位，好闊落好大間鋪頭。💚辣肉碎生菜包肉碎炒到好香，惹味辛辣，加入充滿泰式風情既香料，又有洋蔥香蔥呢啲香料，好濃烈既香味，再包入清爽既清甜既生菜，夠晒酸辣開胃！💛板燒魷魚魷魚原條拎去燒，好大條，燒得好均勻，魷魚好大好肥美，又夠咸鮮，點埋啲酸辣汁就仲正！❤️肥牛船粉肥牛係軟嫩既，牛味極重，船粉質感有啲似河粉，湯底都有牛味，又唔會好肥膩，炸豬皮都好正，係一碗好好食既船粉！🩷青咖喱燒雞扒飯雞扒好大塊，燒到外脆內軟，雞扒燒完切好晒一塊塊咁上枱，啲雞肉好腍，雞皮脆卜卜，青咖喱辣度好適中，又有椰香，雞扒同咖喱好夾，撈飯一絕！