MAZ Thai & BBQ (已結業)

收工朋友仔帶我來Maz Thai食飯，舖面唔大，店舖用大鏡子做牆壁，空間感立即增加一倍，飲野傾偈坐高枱都好好感覺。泰式柚子沙律~加左蝦米既柚子沙律食落粒粒脆好爽口，配埋蝦、車厘茄同腰果，味道酸酸甜甜辣辣的好開胃，飯前小食啱晒口味，份量都唔少喔！自家辣酒蒜蓉蝦~睇落似咖哩蝦但食落又唔係咖哩味，一碟有4隻大蝦，甜辣汁滲透大蝦入面好入味，個汁既濃度調較得相當好，應該可以撈幾碗飯食。芒果沙冰~顏色好鮮豔，甜甜地好似鮮榨咁好味，因為d沙冰慢慢溶又大杯番，覺得好抵飲。朋友叫了青檸沙冰~我飲了小小，微酸但好解渴。