影片
更多
2022-04-08
1864 瀏覽
自第五波爆發疫情起，同朋友相聚嘅機會根本就無咩。一係有朋友確診，一係就擔心疫情。今日趁着幾位朋友都已經康復返，所以我哋決定今日呢個下午茶聚會，兩人一枱，四人同行，分兩張枱一齊渡過美妙嘅下午茶時間。食開下午茶嘅朋友可能會覺得呢一個佈局同食物嘅配搭有啲似曾相識嘅感覺。冇錯！因為佢係同安南餐廳同一個集團，所以佢嘅選擇都非常相似，只不過呢一個係泰式嘅版本。下午茶人均$136，就已包一盤鹹點、一盤甜品、一碗迷你湯河、人半邊原隻燒大頭蝦和一杯飲品。我哋2:30入座，坐咗個半鐘，輕輕鬆鬆自自在在咁樣坐低傾吓計。而且食完呢一餐下午茶，直接晚餐都冇食，因為抵食飽肚。咸點：酸辣牛肉粉絲沙律、柚子三脆沙律、炭燒雞全翼、泰式魚柳包、酥炸黃金蟹鉗、燒鴨米紙卷真心每一樣都好好味呢一個係泰式魚餅包，夾埋一齊食又幾特別魚餅厚肉彈牙。魚肉之間夾雜着泰式嘅檸檬葉同埋豆角粒，食起嚟有一種清新香料嘅微香。酸辣牛肉粉絲沙律，沙律味道就微辣起勁，牛肉外層煎香左，入邊仍然保持嫩口。燒鴨米紙卷，我食嗰舊個燒鴨皮嘅肥膩同埋油脂香配襯買爽口粉絲同雜菜絲，完美。燒雞翼真係個個都鍾意食，今次仲要係原隻雞全翼，食起嚟特別豪邁同埋滋味。呢一隻就
今日趁着幾位朋友都已經康復返，所以我哋決定今日呢個下午茶聚會，兩人一枱，四人同行，分兩張枱一齊渡過美妙嘅下午茶時間。
食開下午茶嘅朋友可能會覺得呢一個佈局同食物嘅配搭有啲似曾相識嘅感覺。冇錯！因為佢係同安南餐廳同一個集團，所以佢嘅選擇都非常相似，只不過呢一個係泰式嘅版本。
下午茶人均$136，就已包一盤鹹點、一盤甜品、一碗迷你湯河、人半邊原隻燒大頭蝦和一杯飲品。
我哋2:30入座，坐咗個半鐘，輕輕鬆鬆自自在在咁樣坐低傾吓計。而且食完呢一餐下午茶，直接晚餐都冇食，因為抵食飽肚。
咸點：酸辣牛肉粉絲沙律、柚子三脆沙律、炭燒雞全翼、泰式魚柳包、酥炸黃金蟹鉗、燒鴨米紙卷
真心每一樣都好好味
呢一個係泰式魚餅包，夾埋一齊食又幾特別魚餅厚肉彈牙。魚肉之間夾雜着泰式嘅檸檬葉同埋豆角粒，食起嚟有一種清新香料嘅微香。
酸辣牛肉粉絲沙律，沙律味道就微辣起勁，牛肉外層煎香左，入邊仍然保持嫩口。
燒鴨米紙卷，我食嗰舊個燒鴨皮嘅肥膩同埋油脂香配襯買爽口粉絲同雜菜絲，完美。
燒雞翼真係個個都鍾意食，今次仲要係原隻雞全翼，食起嚟特別豪邁同埋滋味。
呢一隻就係開邊咗嘅原隻燒大頭蝦，你睇吓佢連蝦肉入邊都有醃料，可見到佢哋製作認真，而且大頭蝦都充滿蝦膏，所以特別甘香。
迷你冬陰功海鮮湯河，講緊嘅海鮮真係海鮮，因為超級多元化，又有青口又有龍利魚柳、魚片、小墨魚、鮮蝦。真係可以話海鮮同河粉嘅份量係一半一半，非常足料。而且用匙羹一飲就發現冬陰功湯底酸辣起勁，配襯埋滑滑嘅河粉，成碗瞬間食晒。
甜品：芒果糯米飯、燒菠蘿、椰汁西米糕、泰式奶茶凍、泰式咖啡凍、斑蘭千層糕
一口芒果糯米飯，深信都會係香港人最愛，就連上飛機之前都會買嘅甜品。呢度你可以一啖就食晒，糯米蒸煮得癮糯，濃稠椰汁同埋鮮甜嘅芒果就係完美嘅配搭。
斑蘭千層糕，斑蘭葉嘅香味芬香撲鼻，糕身軟糯。
泰式奶茶同咖啡凍就係活活地將一杯飲品放到呢一個小玻璃杯入邊咁，成為甜品。而味道係好特別，喜歡佢個奶茶凍茶味濃郁！
呢一個下午茶套餐，基本上每一樣食品都稱心滿意，冇乜嘢可以挑剔。咁嘅價錢食得飽肚又傾得舒服，真係疫境下嘅好選擇，可以來一場偽泰國旅行。
張貼
