鼎豐雞煲泰國菜 (已結業)

秋冬最適合就係打邊爐同食雞煲。呢間太子既鼎豐雞煲泰國菜，最近做緊優惠，如果雞煲叫半隻雞就送肥牛，一隻雞就送安格斯牛柳。鼎豐招牌雞煲（少辣）$188佢嘅調味做得唔錯，有好多香料包括洋蔥辣椒，就算叫半隻雞其實份量都唔少。煮到咁上下，就會有樓面嘅姐姐幫你開蓋同翻炒一下，跟住就食得。小辣對我來講啱啱好，因為一直煮熱會越食越辣，好惹味。即炸爆芝紫菜響鈴$79平時響鈴食得多，但係夾咗芝士嘅第一次食。響鈴因為係即炸，所以卜卜脆，而配左芝士夾係入面，索曬惹味雞煲嘅湯汁，鹹鹹辣辣咁食得好過癮。手打墨魚丸$58我見餐牌上面都有推介，就點左嚟試吓。發覺真係好彈牙，而且仲有少少蟹係上面所以口感好特別而且食得出墨魚滑嘅鮮甜。