影片
更多
2008-06-19
22 瀏覽
估唔到寫完第一集之後, 第二集咁快又出街啦! 上一次光顧是2個禮拜前, 今次邀請泰國親戚一起品嘗地道泰菜兼預祝父親節!據上次經驗, 餐廳門口是可以泊車的, 所以今次連泊車錢都可以慳返 (呵呵呵), 當然我並不是違例泊車啊! 响港島區餐廳門外可以迫車的地方實在廖廖可數呢!!走到餐廳門口, 看見一位二十出頭, 穿上鮮橙制服的 ”靚仔” 熱情招待我們入座! 我…被這位小帥哥吸引住了!! 除了因為他長有一副明星臉外, 他親切燦爛的笑容令人一見難忘! (果然不出我所料, 這位小帥哥就是餐廳的太子爺!)點菜時, 其中一位泰藉待應說認出我母親大人嚟幫襯過! 難道是我省鏡的母親令他留下深刻印象? 嘻嘻…今次一行七人點了下列菜式:先講翻抄上次點過嘅嘢先....泰式明爐魚- 冬蔭功湯底 – 依然非常出色, 詳情請看我上一次的食評泰式蝦春卷 – 水準保持菠蘿炒飯 – 今次上碟無上次咁靚, 而且忘了放提子乾! 但味道同上次差唔多!油酥餅 Roti Bread – 正! 正! 正! 但價錢响2個禮拜之內由 $8 三件起到 $20 三件!! 但我倒覺得新價尚算合理, 因為每件都差唔多有半份三文治咁大!香
據上次經驗, 餐廳門口是可以泊車的, 所以今次連泊車錢都可以慳返 (呵呵呵), 當然我並不是違例泊車啊! 响港島區餐廳門外可以迫車的地方實在廖廖可數呢!!
走到餐廳門口, 看見一位二十出頭, 穿上鮮橙制服的 ”靚仔” 熱情招待我們入座! 我…被這位小帥哥吸引住了!! 除了因為他長有一副明星臉外, 他親切燦爛的笑容令人一見難忘! (果然不出我所料, 這位小帥哥就是餐廳的太子爺!)
點菜時, 其中一位泰藉待應說認出我母親大人嚟幫襯過! 難道是我省鏡的母親令他留下深刻印象? 嘻嘻…
今次一行七人點了下列菜式:
先講翻抄上次點過嘅嘢先....
泰式明爐魚- 冬蔭功湯底 – 依然非常出色, 詳情請看我上一次的食評
泰式蝦春卷 – 水準保持
菠蘿炒飯 – 今次上碟無上次咁靚, 而且忘了放提子乾! 但味道同上次差唔多!
油酥餅 Roti Bread – 正! 正! 正! 但價錢响2個禮拜之內由 $8 三件起到 $20 三件!! 但我倒覺得新價尚算合理, 因為每件都差唔多有半份三文治咁大!
香芒椰汁糯米飯 – 今次叫2份, 首推綠糯米, 濃郁新鮮的椰香味簡直是難以抗拒的誘惑! 雖然最後食呢樣甜品時已經好飽, 但都食都 lam lam 脷!
仲有試咗下列菜式:
泰式炸魚餅 – 我覺得全晚最唔好食嘅一道菜! 有d魚腥味!
焗酥皮黃咖喱海鮮 – 係我泰國親戚話全晚最好食嘅一道菜!! 酥皮好香, 內裡的咖喱偏甜, 無セ辣味, 各樣海鮮, 包括班塊, 蝦, 帶子都好鮮又夠入味! 但我都係鍾意上次點嘅綠咖喱多d。
泰色炒金邊粉 – d粉炒得好靚, 夠乾食! 但味道欠奉… 感覺太清淡, 不咸, 不甜, 不酸, 不辣!
香葉炒豬肉 – 用咗好多泰式香料炒, 好香. 就咁食可能偏咸, 但配飯食一流!
原個椰青海鲜炒飯 – 上枱前, 離遠已聞到椰青清香味, 配料新鲜飯夠香, 最可惜係d飯”林”得濟! 炒得唔夠乾! 最搞笑嘅係待應還另外给了我一碗裝得滿滿的炒飯, 佢話因為太多, 個椰青裝唔晒!
燒魷魚 – 味道一般
粉絲海鮮沙律 – 少辣, 味道好fresh, 又醒胃!
馬拉盞通菜 – d菜抄得剛好, 味道一流!
椰汁啫喱冰 – 唔係好記得嗰名… 有d似椰汁珍多冰, d啫喱好qq, 糖水又好香椰子味!!
食到尾聲時, 泰藉大廚親自出來道謝 (其實唔講,單睇佢外表都知佢係擔大旗,健碩身型加大肚腩,成個大廚款) 他還與我的泰藉親戚傾了一會! 大家同聲同氣, 份外有親切感吧!
原來大廚就是餐廳的老闆, 漂亮的老闆娘當然負責收銀啦! 仲有小帥哥(仔仔)閒時會充當waiter! 非常溫馨幸福! 是一間很有heart的餐廳!
眾人就在這幸福滿瀉的氣氛下歡度父親節的前夕!
張貼
