影片
更多
2008-05-30
44 瀏覽
Daddy早陣子經過呢度, 見到開左好幾間新嘅餐廳都幾多人排隊。所以星期日晚揀左嚟呢間泰菜一試。(後來問老闆, 呢間餐廳開咗成半年啦)餐廳裝修雅緻, 播放輕快泰文歌, 近門口仲有個projector不停播眏泰國風景, 增添不少泰國風情!3個人叫左:1.泰式明爐魚- 冬蔭功湯底 ($128) 用嘅係烏頭魚, 先將條魚煎過先上爐, 賣相令人垂涎三尺, 配上草菇, 蕃茄同埋傳統泰國香料, 包括香葉, 甲猜, 青檸汁, 檸檬葉, 蒜頭, 薑, 莞茜, 青辣椒, 香茅, 南薑。 再用慢火㷫住條魚, 令到d配料慢慢滲入條魚度, 再加上惹味的冬蔭功湯底, 越食越入味, 越食越滋味 ----- “超讚讚讚讚讚讚” !! 是一道泰菜極品!! “正! 正! 正!”P.S. 上條魚時, 仲有一碗冬蔭功湯另外上, 可以一邊㷫住條魚一邊加入湯. 由此可見廚師嘅心思!2. 原個菠籮海鮮炒飯 ($55) 炒飯粒粒香, 海鮮配料新鮮。 鋪响面頭嘅豬肉鬆好入味同香口。 又一水準之作!!3. 泰式蝦春卷 ($48) 春卷炸到金黃色, 配上中蝦, 入口卟卟脆, 加埋附上嘅酸甜汁, 好味!4. 焗酥皮青咖喱雞 ($78)
餐廳裝修雅緻, 播放輕快泰文歌, 近門口仲有個projector不停播眏泰國風景, 增添不少泰國風情!
3個人叫左:
1.泰式明爐魚- 冬蔭功湯底 ($128)
用嘅係烏頭魚, 先將條魚煎過先上爐, 賣相令人垂涎三尺, 配上草菇, 蕃茄同埋傳統泰國香料, 包括香葉, 甲猜, 青檸汁, 檸檬葉, 蒜頭, 薑, 莞茜, 青辣椒, 香茅, 南薑。 再用慢火㷫住條魚, 令到d配料慢慢滲入條魚度, 再加上惹味的冬蔭功湯底, 越食越入味, 越食越滋味 ----- “超讚讚讚讚讚讚” !! 是一道泰菜極品!! “正! 正! 正!”
P.S. 上條魚時, 仲有一碗冬蔭功湯另外上, 可以一邊㷫住條魚一邊加入湯. 由此可見廚師嘅心思!
2. 原個菠籮海鮮炒飯 ($55)
炒飯粒粒香, 海鮮配料新鮮。 鋪响面頭嘅豬肉鬆好入味同香口。 又一水準之作!!
3. 泰式蝦春卷 ($48)
春卷炸到金黃色, 配上中蝦, 入口卟卟脆, 加埋附上嘅酸甜汁, 好味!
4. 焗酥皮青咖喱雞 ($78) 加
油酥餅 Roti Bread ($8三件)
盛放咖喱雞嘅鴨仔器皿好cutie, 相信所有女士見到都會愛上! 上枱時焗起嘅酥皮好香。 切開後, 又聞到一陣青咖喱味, 未食已有視覺同埋嗅覺享受! 再試吓d雞, 用嘅係新鮮瘦鷄, 無セ肉, 但勝在夠雞味 (感覺有d似印尼走地雞嘅味道)! 又於d咖喱汁實在太好食, 所以要叫一客油酥餅嚟”lam”d汁!!
我真係估唔到連油酥餅都可以做到咁出色… 燒得好香好鬆化, 係我响HK食過之中最正嘅!!
5. 泰色炒雜菜 ($42)
呢道菜比起以上菜式略遜。 並不是因為佢唔好食, 而係其它菜式實在太出色了!
6. 甜品叫左香芒椰汁糯米飯
糯米夠煙靱, 特別之處係除左用平時經常食到嘅白糯米同埋黑糯米外, 仲有綠糯米! d綠糯米加入左班蘭葉 (Pandan), 令本身已經好香嘅椰汁再推上另一高峰, 勁!!
三個人食咁多嘢埋單盛恵$450, 用咁嘅價錢食到咁有水準嘅泰菜, 好抵食呀!
下次一定會叫埋嬸嬸嚟食 (我嬸嬸係泰國人)
呢間餐廳真如其名 --- “泰出色”!!
張貼
