Second Bite Bar & Cafe (紅磡灣中心) (已結業)

呢一間喺黃埔嘅餐廳，喺中午嘅時候就係一間Cafe，去到夜晚，就搖身一變，變咗做西餐廳！嗰日就去試咗佢哋個晚餐🥣去泰國餐廳都好鍾意食佢哋嘅鹽燒魚！估唔到喺呢度竟然有！就嗌咗個嚟試下原條泰式香茅鹽燒魚份量十足！真係兩個人都夠食！燒到外皮脆卜卜，魚肉肉質又夠嫩滑，味道唔腥！下面底仲有酸酸辣辣嘅湯，有啲似冬陰功🌶面頭再加埋啲辣粉，成條魚酸酸辣辣，食落真係好開胃！雖然條魚好大條，但係太好食😋自己一個都可以食得晒！