影片
更多
2024-08-30
301 瀏覽
夏日熱辣辣又係時候食泰國嘢，今次都係去啲近市區嘅，去九龍灣淘大商場嘅外圍有一間泰cool，之前有食過佢哋彌敦道嘅分店，知道佢哋搬咗去九龍灣一段時間所以就去食返呢間。呢間近佐敦谷遊泳池多啲，所以搭地鐵嘅話經牛頭角下邨出口過去會近好多，去到餐廳門口見到有分兩個部分有室內同室外，適合晒鍾意坐出面或者坐入邊嘅朋友仔。一入到去見到位置都好闊落，首先係有貓店長嘅王位，見到兩隻貓仔都喺度休息緊，之後就安排我哋入座，有大枱適合十幾人一齊食，亦都有四人大枱，好似鳥籠咁樣包住自己，餐廳中間嘅裝飾仲有一隻馬騮。餐廳有播廣東話歌之餘，亦都有電視播放足球賽事。見到多人枱嗌咗個好高嘅啤酒桶，最明好適合大班嘅聚會。同朋友分別叫咗泰式生蝦刺身，小食拼盤，主菜就叫咗個香芒蟹肉炒飯，鹹魚芥蘭炒豬頸肉，飲品就叫咗椰子冰同咸檸七。 說是遲那時快，飲品已經上咗喇，咸檸七朋友話酸味好足夠，飲完之後就更加有胃口食嘢。椰子冰就好驚喜，唔會有化學味，飲落去係微微椰子嘅原味，唔會越飲越口渴，而且份量亦都好足夠，去到食完飯都仲有，而且沙冰打得好夠勻，所以唔會話咬到有一舊舊嘅冰。前菜都開始送到喇首先係泰式生蝦刺身，店員好貼心咁樣喺蝦同冰中間
去到餐廳門口見到有分兩個部分有室內同室外，適合晒鍾意坐出面或者坐入邊嘅朋友仔。一入到去見到位置都好闊落，首先係有貓店長嘅王位，見到兩隻貓仔都喺度休息緊，之後就安排我哋入座，有大枱適合十幾人一齊食，亦都有四人大枱，好似鳥籠咁樣包住自己，餐廳中間嘅裝飾仲有一隻馬騮。餐廳有播廣東話歌之餘，亦都有電視播放足球賽事。見到多人枱嗌咗個好高嘅啤酒桶，最明好適合大班嘅聚會。
同朋友分別叫咗泰式生蝦刺身，小食拼盤，主菜就叫咗個香芒蟹肉炒飯，鹹魚芥蘭炒豬頸肉，飲品就叫咗椰子冰同咸檸七。 說是遲那時快，飲品已經上咗喇，咸檸七朋友話酸味好足夠，飲完之後就更加有胃口食嘢。椰子冰就好驚喜，唔會有化學味，飲落去係微微椰子嘅原味，唔會越飲越口渴，而且份量亦都好足夠，去到食完飯都仲有，而且沙冰打得好夠勻，所以唔會話咬到有一舊舊嘅冰。
前菜都開始送到喇首先係泰式生蝦刺身，店員好貼心咁樣喺蝦同冰中間包一層保鮮紙，令到冰溶雪嘅時候都唔會污染到生蝦。 蝦肉好爽口彈牙，就咁食就會冇乜味，所以就可以點佢配嘅醬汁，醬汁有蒜蓉辣椒等等，點完醬汁再食，會令蝦嘅味道多咗層次，而且都好開胃唔會話辣到係咁飲水，反而係好清新嘅。
之後係小食拼盤佢有蝦餅，雞翼，春卷同鯪魚餅，全部都係熱辣辣上枱，用筷子夾炸蟹肉嘅時候，仲會可以聽到炸皮清脆嘅聲音，如果覺得食炸嘢會油膩嘅話都可以點去中間嘅醬汁中和番。 值得一讚嘅係蝦餅亦都係非常之彈牙，同鯪魚餅一樣唔會話食到好粉，雞翼亦都係恰到好處唔會話整到過熟，春卷入面亦都有粉絲所以喺脆口嘅口感入面，都帶有少少嘅軟糯。
炒飯都已經到啦，香氣撲面而來。見到蛋之外，亦都有粟米青豆蘿蔔，面頭仲鋪滿蟹肉。食落去蟹肉冇腥味，而蛋亦都好夠嫩滑炒飯，亦都炒到粒粒分明，食落去會有幾重嘅口感。鹹嘅口感再加上芒果嘅甜，令你到在添上層次。
我最鍾意係佢嘅豬頸肉炒菜，雖然係有鹹魚，但係唔會話令到成碟菜都變到好鹹，面頭嘅炸蒜令到食菜嘅時候，亦都可以增添脆口嘅感覺，豬頸肉亦都唔會話太肥，面層亦都燒到有焦香嘅感覺，菜煮得啱啱好，唔會話過腍同過硬，而且都去保留到菜青翠嘅顏色。
整體嚟講所有食物嘅份量都好足夠，所以我哋都飽到食唔到，本身甜品想食芒果糯米飯，唯有下次再過嚟食。
張貼
