影片
更多
2020-02-08
1134 瀏覽
1988 #觀塘 #黃店 💛💛💛呢間位於觀塘嘅黃店💛雖然喺工廠大廈，位置偏僻，但係超受歡迎，尤其是係佢哋嘅午市套餐60幾蚊就已經有得食，好抵食！上次夜晚8:00去到已經截咗龍，呢排少咗人出街所以好好彩地七點都有位。呢間餐廳主要食泰國菜🇹🇭 雖然選擇就唔算好多，但係勝在主要嘅咖喱🍛冬陰功🍲等等都齊。泰式烤魚🐟(原條)$158火候掌握得好好，肉質非常滑🤩魚劏開去咗條骨，釀入咗多種泰式香料，不過條魚本身冇加任何醬汁，味道唔算太重，不過陪埋佢嘅泰式酸辣醬同埋海鹽就好好味！味道: 4/5性價比: 3.8/5青咖喱雞🐔$88咖喱嘅選擇其實唔算好多，分別有呢一款較辣嘅青咖喱，冇咁辣嘅黃咖喱牛腩，同埋炒泰式咖喱。呢個青咖喱其實味道幾啱我心意，好重椰汁味🥥亦都辣辣地🌶用嚟送飯就一流！不過就咁食就有少少偏鹹，同埋佢嘅質地係比較稀。因為夠鹹所以啲雞都幾有味，但係其他蔬菜就似係分開烚，未夠淋亦索唔到啲咖喱。味道: 3.9/5性價比: 3.8/5焗蒜蓉法包🥖$48非常香脆，好多蒜蓉牛油🧈就咁食已經好好味！當然點埋咖哩都一樣咁正。味道: 4.4/5性價比: 4/5椰子開心果沙冰🥤$48呢個係我飲過最好味嘅smoo
呢間位於觀塘嘅黃店💛雖然喺工廠大廈，位置偏僻，但係超受歡迎，尤其是係佢哋嘅午市套餐60幾蚊就已經有得食，好抵食！上次夜晚8:00去到已經截咗龍，呢排少咗人出街所以好好彩地七點都有位。
呢間餐廳主要食泰國菜🇹🇭 雖然選擇就唔算好多，但係勝在主要嘅咖喱🍛冬陰功🍲等等都齊。
泰式烤魚🐟(原條)$158
火候掌握得好好，肉質非常滑🤩魚劏開去咗條骨，釀入咗多種泰式香料，不過條魚本身冇加任何醬汁，味道唔算太重，不過陪埋佢嘅泰式酸辣醬同埋海鹽就好好味！
味道: 4/5
性價比: 3.8/5
青咖喱雞🐔$88
咖喱嘅選擇其實唔算好多，分別有呢一款較辣嘅青咖喱，冇咁辣嘅黃咖喱牛腩，同埋炒泰式咖喱。呢個青咖喱其實味道幾啱我心意，好重椰汁味🥥亦都辣辣地🌶用嚟送飯就一流！不過就咁食就有少少偏鹹，同埋佢嘅質地係比較稀。因為夠鹹所以啲雞都幾有味，但係其他蔬菜就似係分開烚，未夠淋亦索唔到啲咖喱。
味道: 3.9/5
性價比: 3.8/5
焗蒜蓉法包🥖$48
非常香脆，好多蒜蓉牛油🧈就咁食已經好好味！當然點埋咖哩都一樣咁正。
味道: 4.4/5
性價比: 4/5
椰子開心果沙冰🥤$48
呢個係我飲過最好味嘅smoothie!!!!!!!!!椰子味超級濃郁🥥🥥🥥每一啖都有好多開心果仁粒，口感介乎喺雪糕同埋沙冰之間，冇咁溶嘅時候好似食緊雪糕，強烈推介！
味道: 4.8/5
性價比: 4.5/5
整體來講餐廳嘅食物質素都幾好，只係位置格攝咗啲，但係入面嘅員工都非常友善，提醒我哋離開嘅路，而且仲要係非常黃，喺門口亦提供左酒精搓手液，值得多多支持！
泰式烤魚
$158
58 瀏覽
0 讚好
0 留言
青咖喱雞
$88
56 瀏覽
0 讚好
0 留言
焗蒜蓉法包
$48
46 瀏覽
0 讚好
0 留言
張貼
