影片
更多
2018-10-22
235 瀏覽
九龍城有唔少泰菜餐廳, 食過好幾間其實味道唔錯, 最令人回味無窮既一定係小曼谷! 特別假日入夜時份, 全餐廳都定必坐滿食客, 於是今日同屋企人為避開人流, 所以提早係太陽落山前食dinner~基本每次黎, 都一定會點冬蔭功同埋咖哩, 係香港食過咁多間泰菜, 呢兩款真係冇邊間好食過小曼谷! 咖哩款式多, 所以每次都可以點唔同既菜式。【冬蔭鮮蝦雲吞湯】HK$128 小火爐興住熱辣辣既冬蔭功上檯, 份量有四飯碗左右, 冬蔭功湯中有唔少泰國香料、五粒鮮蝦雲吞同埋秀珍菇。雲吞大大粒而且足料, 啖啖都有鮮甜爽口既蝦肉, 湯底酸酸辣辣, 惹味又開胃!! 【泰皇咖哩法包軟殻蟹】HK$198話明呢度咖哩正, 係正到連汁都要清埋! 於是今次我地就揀左呢款有埋包可以點埋咖哩食既菜式。咖哩置於手掌般大既法包入面, 法包表面稍為烘過, 包面微微脆身, 軟殻蟹雖然份量唔多, 但酥脆唔會油膩, 點咖哩食, 正啊! 咖哩偏杰, 當中加入了蛋花, 咖哩味道甜甜又有微微蛋香, 法包內裡軟熟, 點咖哩食簡直一流!【原隻鮮魷筒釀糯米飯】HK$188魷魚中釀入糯米飯, 再切食一卡卡方便食, 魷魚爽口唔會韌到咬唔開, 糯米飯帶少
基本每次黎, 都一定會點冬蔭功同埋咖哩, 係香港食過咁多間泰菜, 呢兩款真係冇邊間好食過小曼谷! 咖哩款式多, 所以每次都可以點唔同既菜式。
【冬蔭鮮蝦雲吞湯】HK$128
小火爐興住熱辣辣既冬蔭功上檯, 份量有四飯碗左右, 冬蔭功湯中有唔少泰國香料、五粒鮮蝦雲吞同埋秀珍菇。雲吞大大粒而且足料, 啖啖都有鮮甜爽口既蝦肉, 湯底酸酸辣辣, 惹味又開胃!!
冬蔭鮮蝦雲吞湯
$128
42 瀏覽
1 讚好
0 留言
【泰皇咖哩法包軟殻蟹】HK$198
話明呢度咖哩正, 係正到連汁都要清埋! 於是今次我地就揀左呢款有埋包可以點埋咖哩食既菜式。
咖哩置於手掌般大既法包入面, 法包表面稍為烘過, 包面微微脆身, 軟殻蟹雖然份量唔多, 但酥脆唔會油膩, 點咖哩食, 正啊! 咖哩偏杰, 當中加入了蛋花, 咖哩味道甜甜又有微微蛋香, 法包內裡軟熟, 點咖哩食簡直一流!
泰皇咖哩法包軟殻蟹
$198
21 瀏覽
0 讚好
0 留言
【原隻鮮魷筒釀糯米飯】HK$188
魷魚中釀入糯米飯, 再切食一卡卡方便食, 魷魚爽口唔會韌到咬唔開, 糯米飯帶少少濕, 唔係乾到生米粒果種。
原隻鮮魷筒釀糯米飯
$188
28 瀏覽
0 讚好
0 留言
【椰皇沙冰】 $32
食辣野最好配沙冰解下辣, 沙冰打得幼細, 充滿椰香味, 甜得黎又唔會過甜
椰皇沙冰
$32
37 瀏覽
1 讚好
0 留言
無論食物質素, 什至環境、服務都一致的好! 係時候又PLAN定下次幾時再黎~~~
張貼
