影片
更多
2022-01-31
116 瀏覽
—————————————————————🍴美食資訊🍴Thai larb lettuce wrap（$128）泰式生菜包。啲肉碎唔係辣炒嘅，加上可能有海量洋蔥嘅關係，所以味道屬偏甜😂個人比較重口味，都係鍾意坊間辣炒肉碎多啲🙈🌶️同埋佢啲生菜屬長條型，冇出面圓片型嘅生菜咁好包😅The crying tiger steak “seua rong hai”（$208）直譯叫「哭泣的老虎」🐯😂遮係泰式牛扒。係以燒烤嘅牛扒沾哩個泰式乾辣椒蘸料🇹🇭🌶️哩間餐廳選用左安格斯肉眼黎燒烤，肉質非常嫩而且鎖到肉汁，配埋自製泰式蘸料帶少少辣味入口，唔錯。Thai basil chicken spaghetti（$68/half）羅勒雞炒意粉。羅勒又稱九層塔，一種用於烹調嘅香草。一食入口就超重九層塔嘅味，係比較少見嘅炒意粉口味😂唔難食但係又算唔上好味😅好睇你個人鍾唔鍾意九層塔嘅味道🙊Skewers串燒：Wagyu和牛（$32）似骰仔牛多啲😅不過不失Naem sour pork sausage酸肉腸（$32）泰國酸豬肉，食落酸酸辣辣咁，幾過癮🐷Pork‘s neck豬頸肉（$28）燒得幾香，起碼唔會乾爭爭同好柴口P
—————————————————————
🍴美食資訊🍴
Thai larb lettuce wrap（$128）
泰式生菜包。啲肉碎唔係辣炒嘅，加上可能有海量洋蔥嘅關係，所以味道屬偏甜😂個人比較重口味，都係鍾意坊間辣炒肉碎多啲🙈🌶️同埋佢啲生菜屬長條型，冇出面圓片型嘅生菜咁好包😅
The crying tiger steak “seua rong hai”（$208）
直譯叫「哭泣的老虎」🐯😂遮係泰式牛扒。係以燒烤嘅牛扒沾哩個泰式乾辣椒蘸料🇹🇭🌶️哩間餐廳選用左安格斯肉眼黎燒烤，肉質非常嫩而且鎖到肉汁，配埋自製泰式蘸料帶少少辣味入口，唔錯。
Thai basil chicken spaghetti（$68/half）
羅勒雞炒意粉。羅勒又稱九層塔，一種用於烹調嘅香草。一食入口就超重九層塔嘅味，係比較少見嘅炒意粉口味😂唔難食但係又算唔上好味😅好睇你個人鍾唔鍾意九層塔嘅味道🙊
Skewers串燒：
Wagyu和牛（$32）
似骰仔牛多啲😅不過不失
Naem sour pork sausage酸肉腸（$32）
泰國酸豬肉，食落酸酸辣辣咁，幾過癮🐷
Pork‘s neck豬頸肉（$28）
燒得幾香，起碼唔會乾爭爭同好柴口
Pineapple菠蘿（$28）
遮係食熱嘅菠蘿🍍好食但係冇咩特別🙂可以叫黎打卡添加啲熱帶風情feel😌
Sriracha chicken wing（$68）
是拉差雞翼。好好咁整左單骨雞翼🦴食得比較方便。是拉差醬都冇吝嗇過，每一隻雞翼都搽滿曬。
Prawn toast（$48）
蝦多士。最好食就係哩樣！！成舊多士酥酥脆脆，上面鋪滿白芝麻，食落更香口。裡面都塞滿蝦肉，多士又夠薄身，每一啖都好滿足🦐仲配埋啲胡椒炸蝦餅，就係要你熱氣都忍唔住想食曬🤤
Coconut（$68）
椰青。好飲兼解渴🥥最緊要記得刮啲椰肉食！
————————————————————
👑評分
味道：3.5/5
環境：3.5/5
價錢：3/5
份量：2.5/5
服務：4/5
會否推薦：會
幾有特色嘅泰式酒吧。門口有個彩繪玻璃打卡位🤟🏻不過佢每碟餸都比較細碟，而且菜式選擇比較少😕就好似今次我同朋友一共四個人去食基本上我地都叫均曬成個menu啲野食但係我地都唔係話食到好飽😅（絕對唔係我地大食😌🤫）莫非因為係酒吧關係，所以都係送酒菜size？🤔
佢地啲職員都好主動，會過黎同你介紹menu👍🏻
————————————————————
張貼