Mee...lemongrass (已結業)

辛苦做咗一日野，夜晚梗係想食啲好西。我同朋友揀咗呢間泰國餐廳，見佢裝修幾靚幾闊落，而且都幾多人排隊，既然咁受歡迎，梗係要試吓佢！我不嬲都最鍾意食泰國菜，Pad Thai當然係必食之選。我哋叫咗一份大蝦炒金邊粉，金邊粉超級入味，又唔會太淋，口感啱啱好，而且鮮蝦食得出係幾新鮮，仲要都幾大隻下㗎，值得一試。我哋仲叫咗一份蠔餅，幾香口，我最欣賞佢做到唔係好油膩，而且材料好足，差唔多啖啖都有蠔！鍾意食蠔餅一定要試吓呢間！炒通菜都係我嘅最愛！大大碟炒通菜超級香，通菜嘅葉吸晒啲精華，好入味，香口之餘又唔會太咸。食泰國嘢當然要飲泰式奶茶。呢間泰式奶茶亦都幾出色，拉同茶嘅比例啱啱好，好香濃嘅奶味，加上茶，口感好誘惑，食完炸嘢飲一啖奶茶真係好滿足！仲要個外型勁靚，大大杯又有特色，有得打卡又好飲！估唔到哩間野又幾好食，唔怪得咁多人幫襯！