影片
更多
2020-04-09
194 瀏覽
12月去完Bangkok, 之後疫情開始加劇，暫時無得去旅行了😣每次去Bangkok都一定會飲泰式奶茶！佢獨特既濃厚香滑同偏橙色外表就係標記~講到係泰國奶茶界最出名既品牌，一定係紅底金字商標的手標牌Cha Tra Mue，依個老字號由1945年開業至今😮已經有75年歷史了！好多餐廳都用佢出品既茶葉整奶茶㗎！除咗有唔同種類既罐裝茶葉，仲有冰凍茶飲、咖啡、軟雪糕等.... 真係諗起都想食！當我知道Cha Tra Mue係香港開咗分店就梗係開心啦😍 舖面都係經典既紅底金字，係渣甸街份外突出，內裡裝潢卻帶點少女風，有堂座位置俾客人坐低品嚐飲品，不過可能疫情關係暫停內進🙈🙈Menu上既茶飲種類不比泰國少～ 不過今次吸引我既唔係經典泰式奶茶，而係「正宗泰國熱薑奶茶」! 天氣凍凍地，飲杯熱薑奶茶就暖上加暖～😋薑汁味唔太辣又唔太淡，跟經典奶茶底撞埋一齊，剛剛恰到好處，互相都無搶到大家味道～ 特別啱女生飲呢～下次嚟要試埋奶茶雪糕🤤🤤🤤
每次去Bangkok都一定會飲泰式奶茶！佢獨特既濃厚香滑同偏橙色外表就係標記~
講到係泰國奶茶界最出名既品牌，一定係紅底金字商標的手標牌Cha Tra Mue，依個老字號由1945年開業至今😮已經有75年歷史了！好多餐廳都用佢出品既茶葉整奶茶㗎！除咗有唔同種類既罐裝茶葉，仲有冰凍茶飲、咖啡、軟雪糕等.... 真係諗起都想食！
當我知道Cha Tra Mue係香港開咗分店就梗係開心啦😍 舖面都係經典既紅底金字，係渣甸街份外突出，內裡裝潢卻帶點少女風，有堂座位置俾客人坐低品嚐飲品，不過可能疫情關係暫停內進🙈🙈
Menu上既茶飲種類不比泰國少～
不過今次吸引我既唔係經典泰式奶茶，而係「正宗泰國熱薑奶茶」! 天氣凍凍地，飲杯熱薑奶茶就暖上加暖～😋薑汁味唔太辣又唔太淡，跟經典奶茶底撞埋一齊，剛剛恰到好處，互相都無搶到大家味道～ 特別啱女生飲呢～
正宗泰國熱薑奶茶
$29
22 瀏覽
0 讚好
0 留言
正宗泰國熱薑奶茶
$29
14 瀏覽
0 讚好
0 留言
下次嚟要試埋奶茶雪糕🤤🤤🤤
張貼
