金屋泰國菜館

營業中

休息中

見最近好多朋友都去食，決定今次自己都去試下，鋪頭位置鄰近楊市道街市。芒果沙冰 咸檸7- (30$+28$): 推薦大家可以試下芒果沙冰，飲落好濃芒果味，而且出黎既效果唔會好水。串燒豬牛雞- (88$): 每樣都叫左2串，個人認為豬係最好食，肉質好彈牙，仲好有咬口。相對之下牛肉比較偏柴。香葉辣椒肉碎炒飯- (78$): 隻蛋仲識流心，撈埋落炒飯到更加加分，而且肉碎食落好香口，成件事既配搭好好，不過要留意返佢都辣度十足，假如唔食得辣，可能要同佢地講返要小辣。泰式燒鮮魷- (85$): 好推薦大家去試下，因為燒出黎既效果好香口，而且又唔會太濃，食落又有口感。泰式明爐烏頭- (148$): 食落去酸酸甜甜，而且份量好多，兩個人食岩岩好，再加上係天氣凍既日子，食住呢啲暖笠笠既美食，更加開心。