影片
更多
2018-06-03
143 瀏覽
呢排天氣咁熱真係搞到冇咩胃口食野，所以決定食d開胃既泰國菜。喺銅鑼灣sogo附近搵到呢間泰國菜，星期六都有午市套餐，仲要係免加一，當然要試下。我同男朋友一人一個set lunch，佢要左個海南雞飯，油飯夠香但唔油膩，而去哂骨既雞肉非常嫩滑，個皮都好彈牙。跟餐仲有一碗冬瓜湯，消暑一流。我自己就要左一碗泰式船河，配料可以揀豬肉丸/牛丸，我就揀左前者。除此之外，配料仲有豬肉片同炸豬皮。炸豬皮未浸湯個陣好脆，浸左湯之後就好彈牙，兩種食法都好味。麵底可以揀金邊粉/粉絲/河粉，我自己就揀左河粉。都幾有驚喜係粗河粉，一片一片的，用湯匙食可以飲埋十分香濃既湯底，同喺泰國食到既正宗湯粉味道係一樣味咖！食完都冇話好口渴，應該真材實料無味精。午餐可以加$42要一碟燒豬頸肉，豬頸肉燒得好香，外面金黃香脆，又唔乾。而且份量驚人，一碟有兩層，加埋都有廿幾片，好抵食。再加$38就有一碟泰式炒通菜，通菜好新鮮冇渣，用左新鮮蒜頭，炸蒜，辣椒同魚露炒，夠哂味道同鑊氣。跟餐送兩杯飲品，男朋友要左杯泰式奶茶，甜度岩岩好，茶味同奶味濃郁。而自己要左杯凍朱古力，口感好厚，好濃朱古力味，好解暑。餐仲有甜品送，係椰汁西米糕。椰汁好香
星期六都有午市套餐，仲要係免加一，當然要試下。
我同男朋友一人一個set lunch，佢要左個海南雞飯，油飯夠香但唔油膩，而去哂骨既雞肉非常嫩滑，個皮都好彈牙。跟餐仲有一碗冬瓜湯，消暑一流。
我自己就要左一碗泰式船河，配料可以揀豬肉丸/牛丸，我就揀左前者。除此之外，配料仲有豬肉片同炸豬皮。炸豬皮未浸湯個陣好脆，浸左湯之後就好彈牙，兩種食法都好味。
麵底可以揀金邊粉/粉絲/河粉，我自己就揀左河粉。都幾有驚喜係粗河粉，一片一片的，用湯匙食可以飲埋十分香濃既湯底，同喺泰國食到既正宗湯粉味道係一樣味咖！食完都冇話好口渴，應該真材實料無味精。
午餐可以加$42要一碟燒豬頸肉，豬頸肉燒得好香，外面金黃香脆，又唔乾。
而且份量驚人，一碟有兩層，加埋都有廿幾片，好抵食。
再加$38就有一碟泰式炒通菜，通菜好新鮮冇渣，用左新鮮蒜頭，炸蒜，辣椒同魚露炒，夠哂味道同鑊氣。
跟餐送兩杯飲品，男朋友要左杯泰式奶茶，甜度岩岩好，茶味同奶味濃郁。
而自己要左杯凍朱古力，口感好厚，好濃朱古力味，好解暑。
餐仲有甜品送，係椰汁西米糕。椰汁好香，入面有粟米，馬蹄同竽頭粒增加口感，好清新。
除左食物好食之外，自己都好鐘意呢度既環境，不斷播住d泰國音樂，好有置身喺泰國既感覺。
張貼
