小火山 (已結業)

坊間火鍋店以牛肉為主，朋友唔食牛肉，但又想打下邊爐。上OP搵到呢間泰式湯底的「泰豬鍋」，以豬肉做主打，可烤肉又可火鍋，所以嚟試試。店舖在鵝頸橋附近，地點方便。餐廳環境舒適，見到有個位置for表演/busking。店員先上小食蝦片配冬蔭公蛋黃醬，蝦片夠脆夠香口，可以無限添加，配埋冬蔭公蛋黃醬更開胃。前菜試了小火山三味刺身一口杯盛合，每人3杯剛剛好。3款刺身有三文魚，生蝦及生蠔，配埋特色醬料，酸甜辣味剛剛好，尤其是生蠔，完全無腥味，大推～主角泰豬鍋，湯底點了香茅椰汁雞湯+小火山牛骨船湯。香茅椰汁雞湯夠濃味，尤其配粉面及菜類更是鮮甜無比。牛骨湯味道偏甜，比較適合煮肉類。我們點了小火山經典泰豬鍋拼盤，有豬梅花，無骨豬腩，泰式豬頸肉及北海道千歲米豚。每款豬肉都試試火鍋及燒烤，個人最喜歡是泰式豬頸肉燒烤，配埋幾款泰式醬料，香口又好食。甜品點了碟豆花芒果糯米飯，壽司造型好味又可愛。飲品點了火山青檸藍泡泡（碟豆花青檸梳打），層次分明，飲落夠酸可解膩👍🏻。