小火山 (已結業)

今日就同朋友去咗小火山到食「泰豬鍋」可以同時打邊爐同燒肉, 餐廳每日仲定時都有唔同嘅live band , 超有feel🤣食呢個鍋首先就要揀想食既肉類, 再揀兩款唔同嘅湯底, 之後就可以配埋唔同辣度嘅醬汁, 佢地自家制既沾醬由唔辣到特辣, 分成4個辣度, 每款都用左唔同香料配撘我地就揀左美國安格斯牛肉及豬肉拼盤, 再加配泰式豬頸肉, 拼盤上面都有唔同品種既豬肉, 除左有黑毛豬, 仲有A級豬腩, 咁就可以一次過試晒唔同口感嘅豬肉, 而且豬肉花紋多, 燒完豬油幾香; 另外, 封門柳肉質嫩滑, 輕輕燒一陣d牛肉味就出唒👍湯底就揀左牛骨船湯,用左多款香料藥材熬成, 味道特別濃郁, 另外椰青雞湯飲落充滿椰香味, 帶少少酸味, 放啲金邊粉落去都掛滿湯汁🤣除咗鍋物之外, 我地仲叫左小火山小食拼盤同國手制泰式肉碎蝦多士配糖醋汁, 多士炸得好鬆脆配埋酸酸甜甜嘅醬汁, 勁match😋另外我地都叫埋勿跑扮沙冰, 個名勁得意, 其實係椰子沙冰🥥 口感棉密, 好似一啖淡椰子雪糕食落口咁樣最後仲叫埋蝶豆花芒果糯米飯, D糯米飯上面加左蝶豆花嘅顏色, 一冷一熱, 口感煙韌😋