SIAM AI Fresco Dining (已結業)

同borther係mega box睇完戲就去左朋友推薦嘅任食泰式火鍋，不過平日都真係幾難發現到呢到D美食。揀呢到嘅原因，就係除左任食外，有沙津吧，有好多好嘢食架！鳳爪同串燒一定要食，鳳爪酸辣適中，串煩配埋沙爹醬就一流！湯底就叫左個冬陰公，打邊爐前都飲左碗，香料味濃略酸夠開胃！赤蝦同帆立貝係送嘅，先甜又大隻，帆立貝我放左落湯到滾滾，都仲有禁大粒，贊！火鍋配料同坊間有嘅相似，不過我好中意呢到個札肉同肥牛。札肉好正宗，又香又彈牙。肥牛濃牛味又滑。最後飲品有好多免費汽水之類，不過我就叫左個青檸梳打，都係十另蚊，又解渴又泰式風味，正！其實沙津吧都有甜品，個椰汁膏好好味，不過食完先發現無影，個膏好滑好香椰味，西米軟硬適中，值得一試。