泰越概念 (已結業)

星期三夜晚,約埋屋企人去食野,今次我地去食泰國菜。餐牌餐牌設計用白底綠葉做成，好有大自然感覺食物：A.鮮蝦柚子沙律一份柚子沙律差唔多夠兩至三個人份量：由蝦、柚子、生菜做成：柚子肉多汁，而且好甜。蝦肉都好鮮甜。落左青檸汁，令到沙律更醒胃。B.)海鮮冬陰功湯呢個湯用小火爐烘住，令冬陰功湯保持佢嘅熱度。湯外表面橙橙地色：聞個陣有好青檸味。到睇下入面有草菇、冬菇、蝦、青口、香茅葉同指天椒：初時飲落有海鮮嘅甜味，之後個辣味慢慢由脷底走上嚟。好出色。炸蝦餅炸蝦餅外層炸到金黃色，入面好軟。食落去有好香嘅香茅味。點埋餐廳提供嘅泰式辣醬,有少少甜但有少少辣。好惹味。餐具餐具比出面特別,匙羹比平時長身羹位較為扁平。但真係好乾淨。裝修灰色嘅梳化配合白色嘅牆身、木做嘅檯同櫈：加上淡黃色燈光。成件事好配合，俾人一種好放鬆嘅感覺。服務態度侍應應變能力高,當我地檯面擺野無咩位：會自動會幫手移一移個位，騰空一啲位置。當我地碟上無食物，就會問我地：「請問仲要唔要？」當我講唔要才收碟。