小曼谷泰國美食 (南角道)

營業中

休息中

自從去完清邁後，成日都掛住泰國D美食，由其是湯麵、炒麵，真係諗起都即刻想去食，見上星期要出去九龍城返工，當然襯機會買D泰式炒飯、炒麵返屋企做晚餐。依間小曼谷泰國美食鄰近宋皇臺站B2出口，岩晒我買完可以即刻搭車返去。點左菠蘿海鮮炒飯和泰式鮮蝦炒金邊粉，兩者份量都幾多，但我覺得佢最有誠意係佢地D海鮮，好多泰式餐廳炒D乜乜粉麵，都係會用上冰鮮蝦，但睇依兩款自己望到好大分別，用上新鮮大蝦，蝦肉自然夠晒香濃爽彈。原本打算點串燒拼盤，但怕太多食唔晒，所以自選幾款串燒，點左豬肉、雞腎和兩隻雞全翼，食咩串燒都好，沙嗲醬相當重要，個人最鍾意係佢嘅雞腎，沾埋醬汁，更香口惹味。最後點少得甜品，原隻芒果糯米飯，份量十足，糯米軟糯有口感，配上香甜椰汁，一口芒果一口糯米，酸酸甜甜，份外滋味。