薄荷葉泰國菜

營業中

休息中

琴日放工去咗元朗搵食行行下去到元朗圖書館對面有間泰菜見到幾多人就入去試吓囉兩個人都叫咗四樣嘢食生菜包幾好喎 酸酸辣辣唔錯 唔多油 通常街食都好多油但係佢就冇喇👍🏼👍🏼咖喱軟殼蟹都幾多啊 有六件 仲要唔係好多炸粉 真材實料 幾好食 有咖喱當然要配薄餅啦薄餅一客有四件 擺得靚靚仔仔一路點咖喱好快就食晒啲薄餅了🤪沙嗲牛串雞串唔錯 兩個都好淋 又大嚿 牛肉係比我想像中淋身 好食😋沙嗲汁就唔係平時嗰種 我通常食甜甜地 佢就偏鹹嘅 餐廳都好好 見我食晒啲沙嗲醬都有幫我添醬😆最後一人一杯嘢飲 黑啤酒味好濃啊 老公就好鍾意❤️我就叫咗椰青 都唔錯呀好清甜 清熱又唔肥😚泰菜真係幾時都咁開胃 今年冇得去旅行唯有定期食啲唔同國家嘅菜滿足下啦☺️