影片
更多
2021-10-24
672 瀏覽
灣仔有唔少泰國食肆，今日去香港公園散步，回程時路經盧押道，見到有間外型頗標緻的泰菜館，兩口子向來都係泰菜粉絲，就一於在這裡吃頓 late lunch。餐廳佔地兩層，店內裝潢以暖色調為主，配上一室木製家具和清涼的藤椅，環境舒適優雅，是假日和朋友歎美食及聊天的好地方。有人話好耐冇食過船麵，見到餐牌有牛肉船麵 ($120) 供應，所以即時點左一客，另外再加左菠蘿海鮮炒飯 ($128) 同 一份 High Tea Set ($98)。牛肉船麵率先送上，湯身熱辣辣，色澤深沉濃郁，呷一口，啖啖有牛肉香，甜酸辣鹹兼備，味道有層次。配料分量十足，除了肥牛和牛腩外，仲有牛丸、蘿蔔同炸豬皮等。牛腩夠腍夠入味、牛肉灼至僅僅熟，肉質不會過肥，蘿蔔腍甜無渣；金邊粉滑溜煙韌，好吸湯。至於碟菠蘿海鮮炒飯，味道亦一流，雖然炒飯唔係置於開邊菠蘿殼之中，但成品用料豐富，有大蝦、魷魚和臘腸等。粒粒飯都炒至色澤金黃，滋味又開胃，伴吃嘅菠蘿甜美多汁，再加埋腰果和肉鬆，夠曬香口，好有地道泰式風味。另外呢客新推出嘅一人份下午茶亦十分扺食，每 Set 都只係 $98 就已經包泰式生蝦刺身、黃咖喱牛腩、薄餅、炸豆腐、椰汁西米糕及熱泰國
灣仔有唔少泰國食肆，今日去香港公園散步，回程時路經盧押道，見到有間外型頗標緻的泰菜館，兩口子向來都係泰菜粉絲，就一於在這裡吃頓 late lunch。
餐廳佔地兩層，店內裝潢以暖色調為主，配上一室木製家具和清涼的藤椅，環境舒適優雅，是假日和朋友歎美食及聊天的好地方。
有人話好耐冇食過船麵，見到餐牌有牛肉船麵 ($120) 供應，所以即時點左一客，另外再加左菠蘿海鮮炒飯 ($128) 同 一份 High Tea Set ($98)。
牛肉船麵率先送上，湯身熱辣辣，色澤深沉濃郁，呷一口，啖啖有牛肉香，甜酸辣鹹兼備，味道有層次。配料分量十足，除了肥牛和牛腩外，仲有牛丸、蘿蔔同炸豬皮等。牛腩夠腍夠入味、牛肉灼至僅僅熟，肉質不會過肥，蘿蔔腍甜無渣；金邊粉滑溜煙韌，好吸湯。
至於碟菠蘿海鮮炒飯，味道亦一流，雖然炒飯唔係置於開邊菠蘿殼之中，但成品用料豐富，有大蝦、魷魚和臘腸等。粒粒飯都炒至色澤金黃，滋味又開胃，伴吃嘅菠蘿甜美多汁，再加埋腰果和肉鬆，夠曬香口，好有地道泰式風味。
另外呢客新推出嘅一人份下午茶亦十分扺食，每 Set 都只係 $98 就已經包泰式生蝦刺身、黃咖喱牛腩、薄餅、炸豆腐、椰汁西米糕及熱泰國草本茶。
生蝦刺身用竹籤串起，再放入 Shooter 杯內，蝦肉新鮮彈牙，吃時可沾少許辣汁，再夾上辣椒粒和蒜粒，入口辣中帶清新。牛腩軟稔鬆化，薯仔吸滿濃濃咖喱汁，滋味無窮，黃咖喱香而不辣，配薄餅食更惹味。西米糕混合了椰香和草香味，口感軟糯彈牙。
跟餐飲品點左班蘭葉茶，另外再散點左杯蝶豆花茶 ($52)，班蘭葉茶好喝又清香；而蝶豆花茶亦有明目護眼功效，降血壓又抗衰老。
張貼
